Jay Chou នឹងរៀបការម្ដងទៀត ដោយមិនទទួលចំណងដៃ

2015-02-06 18:28:35
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីរៀបចំមង្គលការធំដុំនៅប្រទេសអង់គ្លេសកាលពីខែមុន តារាចម្រៀងតៃវ៉ាន់ Jay Chou និងភរិយា Hannah Quinlivan នឹងរៀបចំពិធីមង្គលការម្ដងទៀតនៅតៃវ៉ាន់ដែលជាស្រុកកំណើតរបស់ពួកគេ។ សម្រាប់មង្គលការលើកទីពីរដែលនឹងរៀបចំនៅទីក្រុងតៃប៉ិ នៅថ្ងៃទី៩ ខែកុម្ភៈខាងមុខនេះ Jay នឹងមិនទទួលចំណងដៃឡើយ គឺគ្រាន់តែចង់ឲ្យញាតិមិត្តគេទាំងអស់បានរីករាយជុំគ្នាប៉ុណ្ណោះ។

សារព័ត៌មាន Jaynestars បានឲ្យដឹងថា តារាចម្រៀងវ័យ ៣៦ឆ្នាំ Jay Chou សម្រេចចិត្តរៀបចំពិធីអាពាហ៍ពិពាហ៍ម្ដងទៀត គឺក្នុងគោលបំណងឲ្យក្រុមគ្រួសាររបស់គេបានចូលរួមទាំងអស់គ្នា។ កាលពីលើកមុន គឺនៅថ្ងៃទី១៧ ខែមករា ពួកគេរៀបការនៅព្រះវិហារ Selby Abbey ដោយមានក្រុមគ្រួសារនឹងមិត្តភ័ក្ដិរបស់គេជាច្រើនបានចូលរួម ប៉ុន្តែលោកយាយអាយុ ៨០ឆ្នាំរបស់ Jay Chou មិនអាចធ្វើដំណើរទៅចូលរួមបាន ទើបតារាចម្រៀងរូបនេះរៀបចំពិធីម្ដងទៀតដើម្បីឲ្យលោកយាយរបស់គេបានចូលរួម។

ភ្ញៀវកិត្តិយសចំនួន ២០០នាក់រួមមានសាច់ញាតិ និងមិត្តភ័ក្ដិរបស់ Jay Chou និង Hannah រួមទាំងមិត្តសិល្បករចាស់ៗ និងអ្នកសារព័ត៌មានពិសេសមួយចំនួន នឹងត្រូវអញ្ជើញចូលរួមក្នុងមង្គលការលើកទីពីរនេះ។ ដោយឥលូវនេះ Jay កំពុងជាប់រវល់ការងារថតនៅប្រទេសអង់គ្លេស ដូច្នេះម្ដាយរបស់គេជាអ្នករៀបចំកម្មវិធីនេះ ៕

ចុចអាន៖៥យ៉ាង អ្នកគាំទ្រគួរដឹងពីភរិយាស្រស់ស្អាតរបស់ Jay Chou

ចុចអាន៖វីដេអូដ៏ផ្អែមល្ហែមក្នុងថ្ងៃរៀបការរបស់ Jay Chou

ប្រែសម្រួល៖ វ៉ាន់ថន ប្រភព៖ jaynestars