ស្នេហាខុសវ័យស្ទើរដូចឪពុកកូនព្រោះប្រាក់ កំពុងក្លាយជាប្រធានបទក្ដៅ

2015-02-07 16:21:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្នេហាពិតមិនប្រកាន់វ័យ និងមិនប្រកាន់វណ្ណៈទ្រព្យធនយសស័ក្ដិអ្វីឡើយ សំខាន់គឺចិត្តអាចទទួលយកក្ដីស្រលាញ់ស្មោះពីគ្នាទៅវិញទៅមក។ យ៉ាងណាក្ដី ផ្ទុយពីការលើកឡើងខាងលើ គូស្នេហ៍ដ៏ស្អិតល្មួតមួយគូ បែរក្លាយជាប្រធានក្ដៅលើបណ្ដាញសង្គមនានា ព្រោះអ្នកទាំងពីរហាក់មានវ័យខុសគ្នាច្រើនពេក រហូតស្មើនឹងឪពុកកូន។

បើតាមការចុះផ្សាយនៅក្នុងសារព័ត៌មានចិន Viralcham បានបញ្ជាក់ថា នារីវ័យក្មេងរូបស្រស់ រៀបការជាមួយបុរសវ័យចំណាស់ ក៏ព្រោះប្រាក់តែប៉ុណ្ណោះ មិនមែនមកពីក្ដីស្នេហ៍ពិតនោះទេ។ នាងតែងបង្ហោះម៉ាកផលិតផលល្បីៗ និងសម្ភារៈប្រើប្រាស់ថ្លៃៗ ដែលទទួលបានមកពីស្វាមីខុសវ័យរបស់ខ្លួន។

យ៉ាងណាក៏ដោយ ប្រភពខាងលើ មិនបានលាតត្រដាងថា ប្ដីប្រពន្ធនេះមានអាយុប៉ុន្មាន និងខុសគ្នាប៉ុនណានោះទេ ប៉ុន្តែបើតាមរូបភាពអាចបង្ហាញថា បុរសចំណាស់មានអាយុមិនតិចជាង ៤០ឆ្នាំឡើយ ចំណែកឯខាងស្រីវិញមានវ័យប្រហែលត្រឹម ២០ឆ្នាំប៉ុណ្ណោះ៕