ច្បាស់ការមែនទែនហើយ! បក្សថ្មីនោះគឺជាបក្សម៉ីង

2015-02-07 18:21:09
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្វីដែលប្រិយមិត្តអ្នកកម្សាន្តនិស្ស័យស្នេហ៍ដាវទេព JX បានទន្ទឹងរង់ចាំយ៉ាងអន្ទះសាក្នុងរយៈពេលប៉ុន្មានសប្ដាហ៍ចុងក្រោយនេះ ទីបំផុតបានលេចដំណឹងជាផ្លូវការហើយថា បក្សថ្មីដែលនឹងបង្ហាញវត្តមាននៅក្នុងសេវាកម្សាន្តនិស្ស័យស្នេហ៍ដាវទេព JXII ក្នុងពេលដ៏ខ្លីខាងមុខនេះគឺជាបក្សម៉ីង។

ដោយឃើញថា អ្នកកម្សាន្តគ្រប់រូបបានស្គាល់ និងរៀនក្បាច់គុណពីបក្សទាំង ៨ ដែលមានវត្តមានក្នុង Version បច្ចុប្បន្នចេះអស់ហើយ ដូច្នេះសេវាកម្សាន្ត JXII បានសម្រេចចិត្តបន្ថែមនូវបក្សថ្មីដែលមានក្បាច់គុនប្លែកពីបក្សទាំង ៨ គឺប្រើឋាមពលអគ្គីមកកម្ចាត់សត្រូវដែលនឹងមកដល់ក្នុងពេលឆាប់ៗនេះហើយ។

អាន៖ ក្រុមការងារ JXII បញ្ជាក់ការពិតពីព័ត៌មានថាមានបក្សថ្មី

បក្សម៉ីង គឺបង្កើតឡើងដោយសាសនិក Persian មួយក្រុមក្នុងរជ្ជកាលសុង។ ដោយធ្លាប់ត្រូវគេបោះបង់ និងឆ្លងកាត់សង្គ្រាមលំបាកជាច្រើនហូរហែ បក្សម៉ីងបានប្រកាន់ខ្ជាប់នូវជំហរយ៉ាងមោះមុតក្នុងការពារសន្តិភាពពិភពលោក ដោយតែងតែបង្ហាញខ្លួននៅកន្លែងដែលមានទុក្ខលំបាកជានិច្ច។ បក្សម៉ីងមានជំនឿយ៉ាងខ្លាំងទៅលើពន្លឺ ព្រោះពួកគេជឿថាពន្លឺប្រាកដជាអាចយកឈ្នះភាពងងឹតបាន ដូច្នេះហើយទើបបក្សម៉ីងស្លៀកពាក់ស ញ៉ាំអាហារបួស និងមានចិត្តបរិសុទ្ធជ្រះថ្លាជាងបក្សណាៗទាំងអស់។

នេះគឺជាឱកាសថ្មីមួយទៀតសម្រាប់អ្នកកម្សាន្តគ្រប់រូបទាំងជើងចាស់ និងអ្នកកម្សាន្តថ្មី ក្នុងការហ្វឹកហាត់រៀនយុទ្ធសិល្បអគ្គីរបស់បក្សម៉ីងដំបូងគេ រួចបង្ហាញយុទ្ធសិល្បប្រយុទ្ធដ៏អស្ចារ្យទាំងនោះនៅក្នុងសមរភូមិប្រយុទ្ធផ្សេងៗ ដើម្បីទទួលបានភាពល្បីល្បាញ រហូតអាចក្លាយជាមេបក្សម៉ីងក៏ថាបានដែរ។

អាន៖ បែកធ្លាយ JX ជិតចេញបក្សថ្មីមួយទៀតហើយ

សេវាកម្សាន្ត JX II គឺជាសេវាកម្សាន្តបែប MMORPG (Massive Multiplayers Online Role Playing Game) ដែលតម្រូវឲ្យតួអង្គប្រយុទ្ធធ្វើដំណើរត្រាច់ចរផ្សងព្រេងអនឡាញតាមបែបបុរាណចិន ដែលប្រជុំទៅដោយបក្សល្បីៗរួមមានបក្សអ៊ូតាំង បក្សសៅលីង និងបក្សអឺម៉ីជាដើម ហើយទទួលបានការគាំទ្រយ៉ាងខ្លាំងពីបណ្ដាប្រទេសដែលនិយមតាមដានទស្សនាខ្សែភាពយន្តភាគបុរាណចិន ជាពិសេសគឺក្នុងប្រទេសកម្ពុជាយើងផ្ទាល់តែម្ដង។

កុំភ្លេចណា៎! ហាត់រៀនវិជ្ជាគុនអគ្គីបក្សម៉ីងទាំងអស់គ្នានៅ Version ក្រោយនេះ។ ចាំមើលថាតើបក្សម៉ីងមានយុទ្ធសិល្បខ្លាំងអស្ចារ្យប៉ុណ្ណាដែរ?

អត្ថបទ៖ ភីឆាយ