ខាត់ សុឃីម សាក់ជុំវិញចង្កេះហើយ ចោះរន្ធផ្ចិតទៀត

2015-02-09 17:20:58
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនាង ខាត់ សុឃីម បានបង្ហាញស្នាមសាក់នៅក្រឡឹងចង្កេះរបស់ខ្លួន មិនត្រឹមតែប៉ុណ្ណោះតារាស្រីល្បីឈ្មោះម្នាក់នេះបានបង្ហើបប្រាប់ថា មានចោះរន្ធផ្ចិតថែមទៀតផង។

ស្នាមសាក់នៅក្រឡឹងចង្កេះនេះ ខាត់ សុខឃីម និយាយថា បានសាក់តាំងពី ២០០០ លើទឹកដីសហរដ្ឋអាមេរិក គ្រាដែលអ្នកនាងទៅច្រៀងនៅទីនោះ។ មូលហេតុដែលនាំឲ្យសម្រេចសាក់លើដងខ្លួននេះ អ្នកនាង បញ្ជាក់ថា ដោយសារតែការស្រលាញ់ចូលចិត្ត ហើយបងប្អូនរបស់អ្នកនាងក៏ស្រលាញ់ដូចគ្នា គឺ អ្នកនាង ខាត់ ស្រីវង ត្រូវជាប្អូនស្រី ក៏មានស្នាមសាក់ដូចគ្នាដែរ។

ខាត់ សុឃីម បានប្រាប់ទៀតថា មិនត្រឹមតែសាក់នៅចង្កេះខាងក្រោយ នឹងក្រោមផ្ចិតទេ សូម្បីតែរន្ធផ្ចិតក៏អ្នកនាងបានចោះ និង ពាក់ក្រវិលដែរ ប៉ុន្តែដោយសារតែកន្លងមកធ្លាប់មានផ្ទៃពោះ ក៏ផ្អាកពាក់ក្រវិលមួយរយៈសិនទៅ។

កន្លងមកស្នាមសាក់នេះ ខាត់ សុឃីម ប្រាប់ថា ឧស្សាហ៍បញ្ចេញណាស់ ប៉ុន្តែ មិនត្រូវបានសារព័ត៌មានចាប់អារម្មណ៍ឡើយ ដូចនេះ មហាជនមួយចំនួនក៏មិនបានដឹងរឿងនេះដែរ។ តារាចម្រៀងមានដើមកំណើតមកពីជើងភ្នំបាសិតលើកឡើងថា បច្ចុប្បន្នវ័យកាន់តែច្រើនហើយ អីចឹងភាពសិចស៊ី ក៏មិនសូវបញ្ចេញទេ យូរៗបានបញ្ចេញម្ដង ត្រូវធ្វើឲ្យសិចស៊ីបន្តិចហើយសូមកុំប្រកាន់ ព្រោះអ្នកនាងជាអ្នកសិល្បៈ ត្រូវធ្វើអ្វីដែលប្លែកដើម្បីបម្រើអារម្មណ៍ទស្សនិកជន។

ចំពោះសំនួរថា ប្រពៃណីខ្មែរមិនគាំទ្រឡើយស្រីដែលមានស្នាមសាក់លើដងខ្លួន ត្បិតអីមនុស្សដែលសាក់គេតែងថា ជាមនុស្សកាចសាហាវ ឬ អ្នកលេងជាដើម? ត្រង់ចំណុចនេះ អ្នកនាង ខាត់ សុឃីម បញ្ជាក់ប្រាប់ថា យល់ច្បាស់ណាស់ពីបញ្ហានេះ។ អ្នកនាងបន្តថា មែនទែនទៅដូចអ្នកនាងបានលើកឡើងខាងលើ ព្រោះការសាក់នេះ គឺជា ចំណង់ចំណូលចិត្ត ហើយស្នាមសាក់នេះក៏ជាសិល្បៈមួយផងដែរ ព្រោះអ្នកនាងជាអ្នកសិល្បៈ។

អ្នកនាង ខាត់ សុឃីម បានបន្តជាចុងក្រោយថា មនុស្សមួយចំនួនដែលមិនមានស្នាមសាក់ ចិត្តសាហាវជាងអ្នកមានស្នាមសាក់ទៅទៀត ដូចនេះសូមទស្សនិកជនកុំចាប់អារម្មណ៍លើរឿងនេះជារឿងសំខាន់៕

អានអត្ថបទ៖ ជឿអត់ថា តារាកូរ៉េស្អាតទាំង៥ដួងនេះ មិនធ្លាប់បានវះកាត់កែសម្ផស្ស?

អានអត្ថបទ៖ រូបភាពថ្មីៗទៀតពីតារាៗចូលរួមពិធីមង្គលការ ពេជ្រ សោភា

អត្ថបទ៖ ខុត សីហា