បទ "កុំអាណិតបង" របស់ Jimmy Kiss ជារឿងពិតបុរស ៣ នាក់
- 2014-09-15 18:37:25
- ចំនួនមតិ 0 | ចំនួនចែករំលែក 0
បទ "កុំអាណិតបង" របស់ Jimmy Kiss ជារឿងពិតបុរស ៣ នាក់
ចន្លោះមិនឃើញ
ចម្រៀងមួយបទរបស់ Jimmy Kiss មានចំណងជើងថា៖ "កុំអាណិតបង" ដែលជារឿងពិតរបស់បុរស៣ នាក់ កំពុងមានវិបត្តិផ្លូវចិត្តចាក់ស្រេះ ហើយនិយាយប្រាប់គ្នាទៅវិញទៅមក នៅក្នុងជំនួបមួយ។
សូមចុចអាន៖ Major Cineplex មានតែពីរនៅអាស៊ាន ត្រូវតែងតាំងជារោងភាពយន្តល្អបំផុត!
អ្នកនិពន្ធ ដែលមាននិន្នាការមិនចំលងស្នាដៃពីគេរូបនេះ បានប្រាប់ថា ដើមចមដំបូង នៃបទចម្រៀងនេះ កើតឡើងពីការជជែកគ្នាធម្មតាប៉ុណ្ណោះ រវាងរូបលោក និង មិត្តភ័ក្ដិ ២ នាក់ផ្សេងទៀត សុទ្ធសឹងតែជាអ្នកមានចំណង់ចំណូលចិត្តដូចគ្នា។ Jimmy Kiss បានលាតត្រដាងបញ្ហានៅដក់ជាប់ក្នុងចិត្តខ្លះ ស្របពេលមិត្តភ័ក្ដិទាំងពីរ ក៏មានបញ្ហាស្រដៀងគ្នានេះដែរ ទើបសម្រេចរួមគ្នាបង្កើតចម្រៀងមួយបទខាងលើ។
Jimmy Kiss បានប្រាប់បន្តថា លោកជាអ្នកទទួលខុសត្រូវលើការនិពន្ធទំនុកច្រៀង ចំណែកឯមិត្តសំឡាញ់ម្នាក់ឈ្មោះ សារុន កល្យាណ ជាអ្នកសរសេរទំនុកភ្លេង។ ទោះបីជាយ៉ាងណា បុរសមាឌក្រអាញសក់រួញខាងលើ បន្ថែមថា រឿងរបស់ពូកគេទាំងបី ដែលលាតត្រដាងនៅក្នុងបទចម្រៀង "កុំអាណិតបង" មិនខុសពីរឿងរ៉ាវនៅក្នុងចិត្តរបស់បុរសភាគច្រើនដែរ។
គោលបំណងនៃការផលិតបទចម្រៀងទាំងនោះ គឺចង់ជំរុញឲ្យបុរសមានបញ្ហាដក់ជាប់នៅក្នុងចិត្តទាំងអស់ រឹងមាំឡើង ទោះបីជាស្ថិតនៅក្នុងកាលៈទេសៈណាក៏ដោយ។ ម្យ៉ាងទៀត ពូកគេចង់ឲ្យមហាជនទូទៅយល់ថា អ្នកនិពន្ធខ្មែរក៏មានសមត្ថភាពគ្រប់គ្រាន់ក្នុងការតែងនិពន្ធ ដោយមិនចាំបាច់ស្នាដៃពីគេនោះទេ៕
អត្ថបទ៖ សំ ជំនាញ