JX ត្រៀមខ្លួនម៉ាឡូយសម្រាប់ស្វាគមន៍ការមកដល់នៃបក្សម៉ីងស្អែកនេះ

2015-02-10 00:10:16
ចំនួនមតិ 0 | ចំនួនចែករំលែក 0

ចន្លោះមិនឃើញ

អារម្មណ៍រំភើបញាប់ញ័រកំពុងកើតមានឡើងយ៉ាងក្ដៅគគុកចំពោះប្រិយមិត្តរបស់សេវាកម្សាន្ត JX (ប្រិយមិត្តខ្លះកំពុងតែគិតថាម៉ោងដើរយឺតទៀតផង) ព្រោះសល់តែមួយថ្ងៃទៀតប៉ុណ្ណោះ ពោលគឺនៅថ្ងៃស្អែកទី ១០ ខែកុម្ភៈ ឆ្នាំ ២០១៥ បក្សម៉ីង ដែលជាបក្សក្នុងក្ដីស្រមៃរបស់អ្នកក្លាហានគ្រប់រូប នឹងបង្ហាញខ្លួនចូលអង្រួនពិភពគុនដើម្បីធ្វើដំណើរផ្សងព្រេងនិងធ្វើសង្គ្រាមក្នុងសេវាកម្សាន្ត JXII ជាមួយកំពូលអ្នកគុននិយមទាំង ៨ បក្សដែរហើយ។

អាន៖ វីដេអូស្រីស្អាត GM លីនណែនាំពីរបៀបចូលបក្សម៉ីង

មិនមែនតែអ្នកកម្សាន្តទេដែលមានអារម្មណ៍រំភើបញាប់ញ័របែបនេះ សូម្បីតែ Sabay ក៏ទប់អារម្មណ៍ខ្លួនឯងមិនចង់ជាប់ដែរក្នុងការបើកដំណើរការបក្សម៉ីងឲ្យមានវត្តមានក្នុងសេវាកម្សាន្ត JX ដោយបានត្រៀមខ្លួនរួចរាល់ហើយក្នុងការស្វាគមន៍នូវការមកដល់របស់បក្សម៉ីងនេះ ដោយបានប្ដូររូបភាព Background ទាំងមូលនៅលើគេហទំព័ររបស់សេវាកម្សាន្ត JX (Jx.sabay.com.kh) ទៅជារូបភាពតួអង្គប្រយុទ្ធបក្សម៉ីងអមជាមួយនឹងថាមពលអគ្គីដែលជាយុទ្ធសិល្បខ្លាំងប្រចាំបក្សម៉ីងរួចរាល់ហើយ ដែលមើលទៅស្អាត និងគួរឲ្យចាប់អារម្មណ៍មែនទែន រហូតដល់ទប់ចិត្តមិនសរសើរដល់ថ្វីដៃអ្នក Design មិនបានឡើយ។

កាន់តែពិសេសជាងនេះទៅទៀតនោះគឺថា សេវាកម្សាន្ត JXII ក៏បានត្រៀមរង្វាន់កាដូជាច្រើនសម្រាប់តួអង្គប្រយុទ្ធដែលបានក្លាយខ្លួនជាសមាជិកបក្សម៉ីងផងដែរ។ ចាប់ពីថ្ងៃទី ១០ ខែកុម្ភៈដល់ថ្ងៃ ១០ ខែមិនាឆ្នាំ ២០១៥ នៅពេលដែលអ្នកកម្សាន្តបានក្លាយជាសិស្សបក្សម៉ីងជាផ្លូវការ ប្រិយមិត្តនឹងទទួលបាន Novice Bag Lvl 1 ចំនួន ១ និង Star Fragment សម្រាប់ប្ដូរឈុតបក្សចំនួន ៥០០ គ្រាប់។

សម្រាប់ Novice Bag នេះ ប្រិយមិត្តអាចបើកដើម្បីប្ដូរយករង្វាន់ជារៀងរាល់ ១០ Level ម្ដងគឺ Level 1, Level 10, Level 20 ដល់ Level 90 ដែលរង្វាន់ពីការបើកកញ្ចប់ Novice នេះគឺសុទ្ធតែជាសម្ភារៈជំនួយក្នុងការរកកម្រិត Level ឲ្យបានលឿន ក៏ដូចជាសម្ភារៈប្រយុទ្ធប្រចាំបក្សដែលមានអនុភាពខ្លាំងផងដែរ។

ចុចទីនេះ ដើម្បីមើលរង្វាន់នៅក្នុងកញ្ចប់ Novice Bag ទៅតាមកម្រិត Level នីមួយៗ។

សេវាកម្សាន្ត JX ត្រៀមខ្លួនរួចហើយ! ចុះអ្នកគុននិយមទាំង ៨ បក្សវិញ បានរៀបចំខ្លួនស្វាគមន៍បក្សម៉ីងហើយឬនៅ?

អត្ថបទ៖ ភីឆាយ