អ្នកគាំទ្ររិះគន់ខ្លាំងៗពេល Jessica បង្ហាញតម្រុយបង្កើតក្រុមចម្រៀងជាមួយ Krystal

2015-02-12 22:44:29
ចំនួនមតិ 0 | ចំនួនចែករំលែក 0

ចន្លោះមិនឃើញ

Jessica Jung បានដើរចេញពីក្រុម Girls’ Generation ជាផ្លូវការ ដោយបានបែរមកចាប់អាជីព ជាអ្នករចនាម៉ូដសំលៀកបំពាក់វិញ។ ចំណែកថ្មីៗនេះមានព័ត៌មានថា Jessica បានបញ្ចេញសេចក្ដីថ្លែងការណ៍មួយ ដោយសរសេរថា ការបង្កើតក្រុមចម្រៀងជាមួយ Krystal ជាប្អូនស្រីបង្កើតរបស់នាងអាចនឹងកើតមានឡើង។ ដំណឹងនេះ ធ្វើអ្នកគាំទ្រកូរ៉េមួយចំនួនមិនសប្បាយចិត្ត និងរិះគន់ខ្លាំងៗតែម្ដង។

ពេលមានសំណួរថា ថាតើនាងចង់ធ្វើការជាមួយ Krystal ដើម្បីបង្កើតក្រុមចម្រៀងស្រីថ្មីមែនឬយ៉ាងណា អតីតសមាជិកក្រុម Girls’ Generation រូបនេះឆ្លើយតបថា " វាអាចកើតមានក្នុងពេលអនាគត តែបច្ចុប្បន្នខ្ញុំមិនទាន់ដឹងនៅឡើយទេ។ ខ្ញុំគ្រោងធ្វើរឿងតាមដំណើរ (យឺតៗ) ដូចខ្ញុំធ្វើការងាររចនាម៉ូដអីចឹងដែរ។ បើមានឱកាស មិនមានហេតុផលណាថា ខ្ញុំមិនធ្វើទេ"។

ក្រោយទទួលបានព័ត៌មានថ្មីនេះ អ្នកគាំទ្រជាច្រើនបានអបអរសាទរ តែអ្នកលេងអ៊ីនធឺណិតមួយចំនួនទៀត ហាក់មិនពេញចិត្ត សោះ និងចោទ Jessica ថា ធ្វើឱ្យភាពជោគជ័យរបស់ Krystal ធ្លាក់ចុះដោយសារព័ត៌មាននេះ។

ខាងក្រោមនេះជាមតិរិះគន់មួយចំនួនរបស់អ្នកគាំទ្រ ក៏ដូចជាអ្នកលេងអ៊ីនធឺណិត៖

១. ប្អូនស្រីរបស់អ្នក ធ្វើបានល្អណាស់ ទុកឱ្យនាងនៅម្នាក់ឯងទៅ។ ២. នាង (Krystal) ត្រូវគេរិះគន់ច្រើនហើយ...កុំធ្វើបាបប្អូនស្រីអ្នកអី។ ៣. ហេតុអីអ្នកធ្វើរឿងបែបនេះ ចំពោះ Krystal...អ្នកចង់ឱ្យនាងក្លាយជាផ្ទាំងស៊ីបរិះគន់របស់អ្នកគាំទ្រដូចអ្នក ដោសារតែអ្នកឬ?

គួរបញ្ជាក់ថាបច្ចុប្បន្ន Jessica និងសមាជិកក្រុមចម្រៀងស្រី f(x) Krystal កំពុងជាប់កុងត្រាជាមួយផលិតកម្ម SM Entertainment នៅឡើយទេ។ កុងត្រារបស់ Krystal ជាមួយផលិតកម្មយក្សមួយនេះនឹងបញ្ចប់នៅឆ្នាំក្រោយ៕

Ili Cheng ស្រឡាំងកាំងរឿងវីដេអូសិច

ប្រែសម្រួល៖ អ៊ុំ សុភក្តិ ប្រភព៖ Koreaboo