Van Persie ត្រូវប៉ូលិសស្រីតាមស្ទាក់ផ្លូវ ពេលបើកបរទៅហ្វឹកហាត់

2015-02-14 16:13:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធក្រុមបិសាចក្រហម Robin van Persie ត្រូវបានប៉ូលិសស្រីម្នាក់តាមស្ទាក់ផ្លូវសួរនាំ កាលពីព្រឹកថ្ងៃព្រហស្បតិ៍ ខណៈដែលរូបគេបើកបរនៅលើវិថី M60 ជិត Greater Manchester ដើម្បីធ្វើដំណើរទៅកាន់ទីលានហ្វឹកហាត់ Aon Training Complex របស់ក្រុម Manchester United។

កីឡាករជម្រើសជាតិហុល្លង់ ដែលស៊ុតឲ្យក្រុម Man Utd ឈ្នះ ៣-១ ទៅលើក្រុម Burnley ក្នុងការប្រកួត Barclays Premier League កាលពីថ្ងៃពុធនោះ បានចតឡាន Range Rover របស់គេភ្លាមៗ ហើយប៉ូលិសស្រីម្នាក់នោះ ក៏សួរនាំប្រហែលជា២ទៅ៣នាទី ហើយក៏ឲ្យបន្តដំណើរទៅទៀត ដោយពុំមានការផាកពិន័យអ្វីនោះទេ។

Van Persie មិនប្រាកដថាអាចចូលលេងឲ្យក្រុម Man Utd បាននោះទេ ក្នុងការប្រកួត FA Cup ជុំទី៥ ប៉ះក្រុម Preston North End នៅយប់ថ្ងៃអង្គារខាងមុខនេះ ព្រោះកីឡាករវ័យ៣១ឆ្នាំរូបនេះ លេងពេញ៩០នាទីកាលពីប្រកួតមុន និងមានរបួសបន្តិចបន្តួច៕

ចុចអាន៖ Van Persie មិនច្បាស់អនាគតនៅ Man Utd ព្រោះធ្លាក់ទម្រង់លេង

ប្រែសម្រួល៖ វិន ជីវ័ន្ត ប្រភព៖ Daily Mail