កាតុ ត្រៀមធ្វើខួបកំណើតកូនស្រីនាំសំណាង

2015-02-15 19:15:01
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនាង ស្រីតុ ត្រៀមរៀបចំធ្វើខួបកំណើតឱ្យកូនស្រីរបស់នាងគម្រប់១ឆ្នាំ នៅថ្ងៃទី១២ខែមីនាខាងមុខនេះ នៅមជ្ឈមណ្ឌលទូលគោក។

តារាកំប្លែងរូបខាងលើបានប្រាប់Sabayនៅមុននេះថា អ្នកនាង និងស្វាមីត្រៀមធ្វើកម្មវិធីខួបរបស់កូនស្រីជាលក្ខណៈធំដុំ ដោយអញ្ជើញអ្នកសិល្បៈភាគច្រើនចូលរួមនៅក្នុងឱកាសនោះ ព្រោះចាត់ទុកថា ជាថ្ងៃប្រវត្តិសាស្ត្រសម្រាប់គ្រួសារអ្នកទាំងពីរផងដែរ។

ស្រីតុ និយាយថា៖"ម្យ៉ាងទៀត! កូនហ្នឹងនាំសំណាងដល់ពូកយើងណាស់ តាំងពីមានគេមក ទាំងពីរនាក់ប្ដីប្រពន្ធអាចរកលុយកាក់បានរហូតមិនដែលដាច់ទេ"។ អ្នកនាងចាត់ទុកថា នេះជាការតបស្នងសម្រាប់កូនស្រីឈ្មោះ គង់ សុណានជីញ នេះផងដែរ ដែលនាំលាភមកឪពុកម្ដាយ។

ក្រៅពីនេះ អ្នកនាង សុខ ច័ន្ទធីតា ហៅស្រីតុ បានបន្ថែមថា កម្មវិធីកូនស្រីរបស់ដំបូងនេះ ក៏នឹងអញ្ជើញមន្ត្រីអ្នកមុខអ្នកការមួយចំនួនចូលរួមផងដែរ។ នាងបន្ថែមថា៖" ជាអ្នកសិល្បៈធម្មតាអញ្ចឹង ប្រសិនបើអញ្ជើញពួកគាត់ចូលរួមកម្មវិធីបានទៀតនោះ គឺកាន់តែប្រសើរ និងជាកិត្តិយសណាស់សម្រាប់គ្រួសារនាងខ្ញុំ"៕