ហេតុផល៤យ៉ាងដែលធ្វើឲ្យមនុស្សប្រុសមិនចង់រៀបការ

2015-02-16 21:52:54
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសមួយចំនួនមិនចង់រៀបការឡើយ បើទោះជាពួកគេមានអាយុច្រើនហើយក៏ដោយ។ តើបញ្ហាអ្វីទៅដែលធ្វើឲ្យប្រុសៗមិនចង់រៀបការអីចឹង? ហេតុផល៤យ៉ាងខាងក្រោមនេះហើយដែលធ្វើឲ្យមនុស្សប្រុសមិនចង់រៀបការ៖

១. រៀបការហើយដូចនៅក្នុងគុក

ពួកគេមានការភ័យខ្លាចពេលរៀបការរួចជីវិតត្រូវចងភ្ជាប់នៅមួយកន្លែង ដោយសារបុរសៗស្រឡាញ់សេរីភាពដែលពោរពេញដោយក្ដីរីករាយ។ ពេលមនុស្សស្រីម្នាក់ទៀតបានចូលទៅក្នុងជីវិតពួកគេ នាងនឹងបង្កើតព្រំដែនចាប់ពីពេលនេះតទៅ នេះជាគំនិតបុរសៗមួយចំនួន។

២. មិនហ៊ានទទួលខុសត្រូវ

មូលហេតុទីពីរដែលបណ្ដាលឲ្យមនុស្សប្រុសមិនចង់រៀបការគឺដោយសារតែពួកគេភ័យខ្លាចនឹងការទទួលខុសត្រូវ។ អាពាហ៍ពិពាហ៍នៅក្នុងសង្គមណាដូចសង្គមណាដែរ គឺត្រូវការទទួលខុសត្រូវខ្ពស់ចំពោះដៃគូ។ បើទោះបីជាប្រពន្ធរបស់គេមានការងារធ្វើមែន តែគាត់នៅតែមានទំនួលខុសត្រូវខ្ពស់នៅក្នុងគ្រួសារដដែល ផ្ទុយពីនេះបើបុរសមិនចេះគិតវែងឆ្ងាយនោះទេ គឺមានន័យថាអាពាហ៍ពិពាហ៍នោះកំពុងជួបភាពបរាជ័យ។

៣. មិនចុះសម្រុង

ស្ត្រីគឺងាយនឹងសម្រុះសម្រួលខ្លួនជាមួយបញ្ហាគ្រួសារខាងសាច់ថ្លៃបានយ៉ាងស្រួល តែបុរសគឺមិនអាចបែបនឹងទេ ព្រោះពួកគេមួយចំនួនមិនចូលចិត្តអោនលំទោន ឬចុះញ៉មជាមួយអ្នកណាម្នាក់បានងាយឡើយ។

៤. រវល់នឹងការងារ

បុរសតែងតែមានការយល់ច្រឡំរវាងការងារ និងក្រុមគ្រួសារ។ ពួកគេយល់ថាអាពាហ៍ពិពាហ៍បានធ្វើឲ្យមានការលំបាកបន្ថែមទៀតក្នុងជីវិតផ្ទាល់ខ្លួន។ ជាពិសេសនៅពេលដែលបុរសដែលបានជោគជ័យ រឹតតែធ្វើឲ្យពួកមនុស្សប្រុសមិនចង់បង្វែរការយកចិត្តទុកដាក់របស់ពួកគេមកប្ដេជ្ញាចិត្តដើម្បីរៀបការ។

សម្រាប់ប្រិយមិត្តវិញ យល់យ៉ាងណាដែរចំពោះចំណុចទាំង៤ខាងលើនេះ?

ចុចអាន៖ប្រើហេតុផល ៧យ៉ាងនេះដើម្បីរៀបការ អាចមានវិប្បដិសារីទៅអនាគត

ប្រែសម្រួល៖ទ្រី រ៉ាវី ប្រភព៖boldsky