នៅចាំ សន ស្រីពៅ ឡើងប្រលង The Voice Cambodia ទាំងខ្លួនមានផ្ទៃពោះទេ? ចុះកូននាងយ៉ាងម៉េចហើយ ?

2015-02-17 16:13:38
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីចូលរួមប្រលងក្នុងកម្មវិធី The Voice Cambodia កាលពីពេលកន្លងទៅ ឥឡូវនេះ អ្នកនាង សន ស្រីពៅ បានសម្រាលកូនហើយ ដែលកូនស្រី នាងមានអាយុ ៤ ខែ កន្លះ ដោយនាងបានដាក់ឈ្មោះថា វុត្ថា ដារីកា។ នេះបើតាមការប្រាប់ឲ្យដឹងពី អ្នកនាង ស្រីពៅ។

អ្នកនាង សន ស្រីពៅ បានធ្វើឲ្យទស្សនិកជនមានការភ្ញាក់ផ្អើលនៅក្នុងអំឡុងពេលនាងបានចូលរួមកម្មវិធីប្រលង The Voice Cambodia ដោយសារតែនាងជាបេក្ខនារីប្លែកពីគេ នៅត្រង់ថា នាងចូលរួមប្រលងទាំងមានផ្ទៃពោះ។ ត្បិតតែនាងមិនទទួលបានជោគជ័យពីកម្មវិធីខាងលើ ប៉ុន្ដែ ស្រីពៅ បានឈានដល់វគ្គ The Battle Round។

ស្រីពៅ បាននិយាយប្រាប់ Sabay ថា បច្ចុប្បន្ននាង គឺជាម្ចាស់ហាងផឹកស៊ីមួយឈ្មោះ ស៊ីមផង ជាប់របង សាលាខណ្ឌ ទួលគោក ។ ទោះបីជាមិនបានក្លាយជាជយលាភី The Voice Cambodia ក៏ពិតមែន ប៉ុន្តែ បច្ចុប្បន្នទីផ្សារសិល្បៈរបស់ ស្រីពៅ មានច្រើនជាងមុន និង តម្លៃ ខ្លួនខ្ពស់។ ស្រីពៅ បន្ថែម។

https://www.youtube.com/watch?v=6_C_YyJMGgI

សន ស្រីពៅ និយាយទៀតថា មុនចូលប្រលង The Voice Cambodia នាងចេញច្រៀងនៅតាមខេត្ត ក្នុងរយៈពេល ៣ ថ្ងៃ ទទួលបានប្រាក់តែជាង ១០០ ដុល្លារ ប៉ុន្តែ បច្ចុប្បន្នតម្លៃខ្លួនរបស់នាងគុណនឹង ៣។ ចំពោះការឡើងច្រៀងនៅ តាមស្ថានីយទូរទស្សន៍វិញ ទទួលបានតែ ៣០ ទៅ ៤០ ដុល្លារទេ ក្នុងមួយកម្មវិធី ប៉ុន្តែ បច្ចុប្បន្នឡើងដល់ ១០០ ដុល្លារ។

ស្រីពៅបានលើកឡើងថា កូនស្រីរបស់នាង គឺជា អ្នកដែលនាំសំណាង ត្បិតអីកាលដែលនាងប្រលង The Voice Cambodia នោះ ធ្វើទស្សនិកជនចាប់អារម្មណ៍មកលើរូបនាងភាគច្រើនដោយសារតែកូនក្នុងផ្ទៃ។ បច្ចុប្បន្នស្រីពៅមិនសូវបានចេញច្រៀងនៅតាមខេត្តឡើយដោយសារតែកូននៅតូចពេក ខណៈដែលបណ្ដាស្ថានីយទូរទស្សន៍មួយចំនួនតែងតែហៅនាងច្រៀងជាបន្តបន្ទាប់។

ជាមនុស្សម្នាក់ចូលចិត្តវិស័យចម្រៀងតាំងពីកំណើត ស្រីពៅ តែងតែព្យាយាមដាក់ពាក្យប្រលង ស្ទើរគ្រប់កម្មវិធីប្រលងចម្រៀងទាំងអស់ ប៉ុន្តែ ជាលទ្ធផល មិនទទួលបានដូចបំណងឡើយ។ បែបនេះក្ដី ស្រីពៅ និយាយថា ៖ "ខ្ញុំនៅតែព្យាមយាមម្ដងទៀតដរាបណា ខ្ញុំនៅតែអាចច្រៀងបាន"។ ប្រសិនបើលោកអ្នកអ្នកចង់បាន ស្រីទៅច្រៀងក្នុងកម្មវិធីផ្សេងៗ អាចទាក់ទងនាងផ្ទាល់តាមរយៈលេខ ០៨១ ៧០០ ១៨១៕

https://www.youtube.com/watch?v=XD1Icr6P8xY

អានអត្ថបទ៖ កម្មវិធី Freshie Girls & Boys ជំនាន់ទី ១៤ បង្ហាញមុខបេក្ខភាពសម្រាំង ៤២រូប អានអត្ថបទ៖ ថ្ងៃ Valentine ម៉េង កែវពេជ្ជតា ទៅច្រៀងឲ្យក្មេងកំព្រាស្ដាប់ អត្ថបទ៖ ខុត សីហា