ថ្ងៃ Valentine ម៉េង កែវពេជ្ជតា ទៅច្រៀងឲ្យក្មេងកំព្រាស្ដាប់

2015-02-16 17:24:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃបុណ្យ នៃក្ដីស្រលាញ់ឬ Valentine day អ្នកនាង ម៉េង កែវពេជ្ជតា បានចំណាយពេលវេលាដើម្បីបង្ហាញក្ដីស្រឡាញ់ទៅកាន់ក្មេងក្រីក្រ និង កំព្រា តាមរយៈបទចម្រៀង និង អំណោយមួយចំនួនទៅចែកជូនក្មេងៗ នៅទីស្នាក់ការកណ្ដាលនៃអង្គការដើម្បីភាពញញឹមនៃកុមារPSE។

តារាចម្រៀងរូបនេះ បានប្រាប់ Sabay ថា មូលហេតុដែលនាំឲ្យអ្នកនាងសម្រេចចិត្តមកច្រៀង និង យកអំណោយបន្តិចបន្តួច ជួយដល់ក្មេងៗនៅទីនេះ ក៏ព្រោះតែចង់ចែករំលែកក្ដីស្រលាញ់ និង ចង់បំពេញបំណងកូនប្រុសច្បងរបស់អ្នកនាង ដែលចង់ជួយដល់ក្មេងក្រីក្រ ជាយូរមកហើយ។

អ្នកនាង ម៉េង កែវពេជ្ជតា បានបានលើកឡើងថា គំនិតនេះដំបូងឡើយបានកើតចេញពីកូនប្រុសរបស់អ្នកនាង ដែលចង់ដឹងពីការរស់នៅរបស់ក្មេងក្រីក្រ និង ចង់ជួយដល់ពូកក្មេងៗទាំងនោះ។ "ខ្ញុំមិននឹកស្មានថា កូនប្រុសនៅក្មេង បែរចា ចេះមានគំនិតចែករំលែកអំពើល្អបែបនេះ ឃើញដូចនេះ ខ្ញុំក៏បំពេញបំណងកូនទៅ"។

អំណោយដែល អ្នកនាង ម៉េង កែវពេជ្ជតា យកទៅចែកដល់ក្មេងៗមានដូចជា ប៊ិច, សៀវភៅ, ខ្មៅដៃ, ព្រមទាំងថវិកាមួយចំនួន ជាមួយគ្នានោះ តារាមានកំណើតមកពីខេត្ត តាកែវម្នាក់នេះ បានច្រៀងចម្រៀងដោយមិនមានភ្លេងជាច្រើនបទឲ្យក្មេងៗទាំងនោះស្ដាប់ផងដែរ។

តាមការលើកឡើងរបស់ អ្នកនាង ម៉េង កែវពេជ្ជតា នេះជាលើកទីមួយដែលបានយកអំណោយមកចែកដល់ក្មេងៗក្រីក្រ និង កំព្រា ក្នុងថ្ងៃ Valentine day ១៤ កុម្ភៈ។ នៅឆ្នាំបន្ទាប់តារាចម្រៀងរូបនេះប្រាប់ថា មានបំណងមកទីនេះម្ដងទៀត ហើយថែមទាំងយកក្រុមភ្លេងមកជាមួយតែម្ដង៕

អានអត្ថបទ៖ រឿងដ៏គួរឲ្យចាប់អារម្មណ៍ យុគ ចិន្តា-គង់ សុជាតិ លឿងប៉ះលឿង អ្នកណាឡូយ? អានអត្ថបទ៖ ពេជ្រ សោភា កើតអ្វីចូលពេទ្យសង្គ្រោះបន្ទាន់?

អត្ថបទ៖ ខុត សីហា