Justin Bieber ដោះអាវ ឲ្យគេគប់ពងទាជាច្រើនគ្រាប់ (វីដេអូ)

2015-02-18 17:20:07
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងប៉ុបកាណាដា Justin Bieber បានលេចមុខក្នុងវីដេអូផ្សព្វផ្សាយថ្មីរបស់កម្មវិធីកំប្លែង "Comedy Central Roast” ដោយបានដោះអាវឲ្យគេគប់ទងទាដាក់ជាច្រើនគ្រាប់។

កម្មវិធី "Comedy Central Roast” បានបង្ហាញវីដេអូមួយនេះកាលពីថ្ងៃអង្គារ ដោយសរសេររៀបរាប់ថា "ក្រឡេកមើលពេលដែល Justin Bieber ស្វែងយល់ពីអារម្មណ៍របស់ផ្ទះដែលត្រូវគេគប់ពងទាដាក់។ #BieberRoast នឹងមានចាក់ផ្សាយនៅថ្ងៃទី៣០ ខែមីនា"។ ចូលរួមក្នុងកម្មវិធីនេះ ម្ចាស់បទ "Boyfriend” នឹងត្រូវអ្នកចូលរួមផ្សេងៗទៀតរិះគន់ ដើម្បីបង្កភាពសប្បាយរីករាយដល់ទស្សនិកជន។

Kevin Hart ជាពិធីករក្នុងកម្មវិធីនេះ និងជាមិត្តភ័ក្ដិរបស់ Justin Bieber បានបង្ហើបថា គេនឹងមិនទុកមុខឲ្យមិត្តភ័ក្ដិរបស់គេឡើយ។ Kevin និយាយថា "ខ្ញុំនឹងធ្វើឲ្យ Bieber ខ្មាសគេម្ដង។ ថ្ងៃនោះនឹងជាថ្ងៃស៊យរបស់ Biebs”។

Justin Bieber នឹងចូលថតកម្មវិធីនេះនៅថ្ងៃទី១៤ ខែមីនា មុននឹងចាក់ផ្សាយនៅថ្ងៃទី៣០ ខែមីនា តាមរយៈស្ថានីយទូរទស្សន៍អាមេរិក Comedy Central ។

វីដេអូនេះដែរបានធ្វើឲ្យគេនឹកឃើញរឿងរ៉ាវ កាលពីឆ្នាំមុន ដែលអ្នកជិតខាងម្នាក់បានប្ដឹង Justin Bieber ដោយតារារូបនេះបានគប់ពងទាជាច្រើនគ្រាប់ទៅផ្ទះរបស់គេ។ ទីបំផុត ម្ចាស់បទ "Boyfriend” រូបនេះត្រូវសងថ្លៃខូចខាតចំនួន ៨០៩០០ ដុល្លារ និងត្រូវធ្វើការងារសង្គមមួយចំនួន។

ទស្សនាវីដេអូផ្សព្វផ្សាយកម្មវិធី ដែល Justin Bieber នឹងចូលរួម៖

http://youtu.be/LeJpY6ojJWY