ថ្មីៗ!...ពីដំណឹងប្អូនស្រីរបស់ ចន ច័ន្ទលក្ខិណា នៅប្រទេសវៀតណាម

2015-02-18 17:16:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្អូនស្រីបង្កើតរបស់អ្នកនាង ចន ច័ន្ទលក្ខិណា បានទៅដល់មន្ទីរពេទ្យនៃប្រទេសវៀតណាមដោយសុវត្ថិភាពកាលពីល្ងាចមិញនេះ និងកំពុងទទួលការជួយសង្គ្រោះពីក្រុមគ្រូពេទ្យនៅទីនោះ។ នេះបើយើងតាមព័ត៌មានលើបណ្ដាញសង្គមរបស់តារាសម្ដែងជើងចាស់ខាងលើ។

ទោះបីជាយ៉ាងណា ប្រភពព័ត៌មានដដែលបានបញ្ជាក់ដោយស្រង់សំដីពេទ្យថា ត្រូវរង់ចាំរយៈពេល៣ថ្ងៃសិន ទើបប្អូនស្រីរបស់អ្នកនាងដឹងខ្លួន និងអរគុណសម្រាប់ការព្រួយបារម្ភទាំងឡាយ។

គួររំលឹកថា ប្អូនស្រីបង្កើតរបស់អ្នកនាង ចន ច័ន្ទលក្ខិណា ត្រូវចោរឆក់កាបូបកាលពីព្រឹកម្សិលមិញ នៅម្ដុំត្រឡោកបែក ខណៈត្រឡប់មកដកលុយ និងធ្វើដំណើរត្រឡប់មកផ្សារថ្មីវិញ ដែលជាកន្លែងលក់អីវ៉ាន់រាល់ថ្ងៃ។ អ្នកនាង ចន ច័ន្ទលក្ខិណា បានរៀបរាប់កាលពីម្សិលមិញថា សកម្មភាពឆក់នោះ បានបណ្ដាលឱ្យប្អូនស្រីរបស់ខ្លួន ដួលដាច់ផ្ងារមកក្រោយ ហើយបោកក្បាលនឹងថ្នល់រងរបួសធ្ងន់ធ្ងរ និង ក្អួតឈាមមិនឈប់ ហើយអ្នកនាងក៏បាននាំយកទៅសង្គ្រោះបន្តនៅប្រទេសវៀតណាម៕