ស្រីស្អាតថ្នាក់បណ្ឌិត និងការងារដែលគ្រប់គ្នាប្រាថ្នាចង់បាន

2015-02-18 23:43:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ការងារជាអ្នកដេកសាកសេវាកម្មសណ្ឋាគារ ឬអ្នកវាយតម្លៃសណ្ឋាគារត្រូវបានប្រជាជនចិនភាគច្រើនគិតថា ជាការងារដែលគ្រប់គ្នាប្រាថ្នាចង់បានជាងគេ។ នេះក៏ព្រោះតែ អ្នកទទួលការងារនេះអាចគេង ញ៉ាំម្ហូបថ្លៃៗ កម្សាន្ត និងប្រើប្រាស់សេវាកម្មជាច្រើនរបស់សណ្ឋាគារមិនអស់ប្រាក់ហើយ ថែមទាំងបានប្រាក់មកវិញទៀត។

កញ្ញា Zhang Xinyan បេក្ខជនបណ្ឌិតមកពីសាកលវិទ្យាល័យ Nankai ក្នុងទីក្រុង Tianjin គឺជាមនុស្សម្នាក់ដែលក្នុងចំណោមមនុស្សជាច្រើនដែលមានឱកាសបានការងារដ៏ល្អនេះ។ តើការងារនេះពិតជាស្រួលដូចអ្នកគិតមែនឬយ៉ាងណា?

នាងនិយាយប្រាប់អ្នកសារព័ត៌មានថា ការងាររបស់នាងគឺសរសេរឡង់សេឲ្យសណ្ឋាគារក្នុងរូបភាពដ៏សមស្របមួយដោយវាយតម្លៃទៅលើសម្ភារៈ បរិក្ខារ ទីតាំង អាហារ សេវាកម្ម និងតម្លៃ។

នាងបញ្ជាក់ដូច្នេះ៖ "ខ្ញុំគិតថា វាផ្អែកសំខាន់ទៅលើអាកប្បកិរិយា។ អ្នកត្រូវសរសេរអត្ថបទវាយតម្លៃរបស់ខ្លួនឲ្យបានម៉ត់ចត់។ អ្នកអាចផ្ដើមនិយាយពីគុណសម្បត្តិរបស់សណ្ឋាគារ បន្ទាប់មកបន្តទៅផ្នែកណាមួយដែលអ្នកគិតថា ត្រូវការកែលម្អ។ ការធ្វើបែបនេះ អ្នកអាននឹងមើលមកអត្ថបទវាយតម្លៃរបស់អ្នកគួរឲ្យទុកចិត្ត និងទទួលយកបាន"។

ទោះជា ការងារនេះពាក់ព័ន្ធនឹងការញ៉ាំហ្វ្រី គេងហ្វ្រីក៏ពិតមែន តែវាមិនមែនសុខស្រួលដូចមានលុយទៅជួលស្នាក់នៅនោះទេ ព្រោះអ្នកត្រូវប្រើខួរក្បាលគិត វិភាគឲ្យបានគ្រប់ជ្រុងជ្រោយមុននឹងសម្រេចចិត្តសរសេរហើយបង្ហោះទៅក្នុងបណ្ដាញសង្គម ឬប្លុកឲ្យអ្នកដទៃបានឃើញ។

ការងារដេកសាកសេវាកម្មសណ្ឋាគារនេះចាប់ផ្ដើមដំបូងក្នុងប្រទេសចិននៅឆ្នាំ ២០០៩ ហើយចំនួនអ្នកធ្វើការងារនេះកើនឡើងពីមួយថ្ងៃទៅមួយថ្ងៃ។ មើលសកម្មភាពវាយតម្លៃរបស់កញ្ញា Zhang៖