ចាប់បាច់ផ្កាក្នុងពិធីអាពាហ៍ពិពាហ៍បាន៤៦ដង នៅតែមិនទាន់មានគូ

2015-02-19 21:20:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងពិធីអាពាហ៍ពិពាហ៍បច្ចុប្បន្ននេះ ភាគច្រើនមានការបោះបាច់ផ្កាពីកូនកំលោះក្រមុំ ឲ្យអ្នកចូលរួមចាប់ដើម្បីឆាប់មានគូព្រេងដូចពួកគេ ប៉ុន្តែនារីម្នាក់នៅប្រទេសសហរដ្ឋអាមេរិក ចាប់បានបាច់ផ្កា ៤៦លើកទៅហើយ នៅតែមិនទាន់បានរៀបការទៀត។

នាង Jamie Jackson បច្ចុប្បន្ននេះមានវ័យ ៣៧ឆ្នាំហើយ និងចូលរួមពិធីអាពាហ៍ពិពាហ៍ជិត ១០០ដង។ ពេលចូលរួម ភាគច្រើននាងចាប់បានបាច់ផ្កាដែលកូនកំលោះក្រមុំបោះចេញពីដៃ ហើយចាប់បានលើកទីមួយកាលពីឆ្នាំ១៩៩៦។ នាង Jackson បាននិយាយថា នាងមានគម្រោងចាប់បាច់ផ្កាគ្រប់ពេលដែលគេអញ្ជើញចូលរួមក្នុងពិធីអាពាហ៍ពិពាហ៍ ហើយសង្ឃឹមថានឹងបំបែកកំណត់ត្រាពិភពលោក ខណៈកំណត់ត្រាបច្ចុប្បន្នមានចាប់បានត្រឹម ១១បាច់ប៉ុណ្ណោះ។

នាង Jackson បាននិយាយប្រាប់សារព័ត៌មាន KSL ថា យុទ្ធសាស្ត្រដើម្បីចាប់បានបាច់ផ្ការបស់នាង គឺទៅឈរពីមុខគេ ព្រោះភាគច្រើនកូនកំលោះនិងកូនក្រមុំមិនអាចបោះបានឆ្ងាយទេ។ នារីឯកានេះ បានចាត់ទុកការចាប់បាច់ផ្កាក្នុងពិធីអាពាហ៍ពិពាហ៍ជាកីឡារបស់ខ្លួនទៅហើយ។ នាងបានបញ្ជាក់ថា កាលពីឆ្នាំ២០០៤ នារីម្នាក់ឈ្មោះStephanie នៅរដ្ឋ Pennsylvania បានបំបែកកំណត់ត្រាពិភពលោក ជាអ្នកចាប់បានបាច់ផ្កាច្រើនបំផុតចំនួន ១១បាច់។ ពេលនោះនាងមានអារម្មណ៍ថាភ្ញាក់ខ្លួនយ៉ាងខ្លាំង ព្រោះនាងចាប់បានដល់ទៅ ៣៥បាច់ឯណោះ ដូចនេះនាងគួរតែជាអ្នកកាន់កាប់កំណត់ត្រា។

ក្រោយមក នៅខែសីហា ឆ្នាំ២០១៤ នាង Jackson ដែលរស់នៅក្រុង Salt Lake សហរដ្ឋអាមេរិក បានស្នើឲ្យគេចុះឈ្មោះខ្លួនទៅក្នុងបញ្ជីកំណត់ត្រាពិភពលោករបស់ស្ថាប័ន Guinness ដោយចំនួនបាច់ផ្កាដែលនាងចាប់បានកើនឡើងដល់ ៤៦បាច់។ នាងបានបញ្ជាក់ថា ក្នុងចំណោមគូស្នេហ៍ដែលនាងចាប់បាច់ផ្កាបានទាំង៤៦ គូ មាន ២គូប៉ុណ្ណោះ ដែលលែងលះគ្នាវិញ។ នាងសង្ឃឹមថា រហូតដល់ពេលបំបែកកំណត់ត្រា នាងនឹងចាប់បានផ្កា ៤បាច់ទៀត ដើម្បីបង្គ្រប់ ៥០បាច់៕

ចុចអាន៖ ១០ឆ្នាំ បរិច្ចាគឈាម ១៤៧ដង ជួយជីវិតភរិយាជាទីស្រលាញ់

ប្រែសម្រួល៖ គង់ វិសាល ប្រភព៖ Mirror

ពាក្យទាក់ទង

ព័ត៌មានប្លែកៗ ព័ត៌មានសង្គមអន្តរជាតិ

អត្ថបទពេញនិយម

ខែភ្លៀង ត្រៀមឱ្យហើយ! ពេលបើកម៉ូតូកាត់ទឹក ស្រាប់តែរលត់ម៉ាស៊ីន គឺត្រូវធ្វើតាមវិធីទាំងនេះ បើមិនចង់ឱ្យខូចធ្ងន់លើសដើម

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

ឆាកសម្ដែងរបស់ aespa នៅ M! Countdown ត្រូវរំសាយចោលដោយសារ មានភ្លើងឆេះ

កូនកាត់ម្នាក់ទៀតហើយ! សឺរីដេន អានីសាហុន កូនកាត់ខ្មែរ-អង់គ្លេស ដាក់ពាក្យប្រកួតបវរកញ្ញា

ទំនាក់ទំនង Kim Soo Hyun និង Kim Ji Won កាន់តែធ្វើឲ្យគ្រប់គ្នាសង្ស័យថាជា ស្នេហា

អត្ថបទថ្មី

Olivier Giroud បានផ្លាស់ទៅកាន់លីគកំពូលអាមេរិកជាផ្លូវការ

Bayern និង Tuchel ដូរចិត្ត ហើយអាចនឹងត្រូវគ្នាវិញ

ក្លឹបលីគអង់គ្លេសគ្រោងនឹងពិភាក្សាក្នុងការលុបចោល VAR

MG7 ត្រៀមចេញលក់ឆាប់ៗ និងក្លាយជារថយន្តប្រភេទស៊ីឌានមួយគត់មានតម្លៃសមរម្យក្នុងទីផ្សារកម្ពុជា

ម៉ូដែលវ័យ១០ឆ្នាំ អែលសា លីន ត្រៀមដើរម៉ូដបើកក្បាលកម្មវិធី fashion show លំដាប់អន្តរជាតិ នៅវៀតណាម