ប្រពន្ធតារាកែងឆេះ Tony Jaa បង្អួតអាំងប៉ាវរាប់ពាន់ដុល្លារបានពីប្ដីថ្ងៃចូលឆ្នាំចិន

2015-02-20 23:22:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ភរិយារបស់តារាកែងឆេះជង្គង់ហោះ Tony Jaa បានធ្វើឲ្យមិត្តភ័ក្ដិលើបណ្ដាញសង្គមរបស់នាងជាច្រើនច្រណែន ដោយបានបង្អួតអាំងប៉ាវប្រមាណ ៣០០០ដុល្លារ ដែលទទួលបានពីស្វាមី កាលពីម្សិលមិញ។

Piyarat Chotiwattananon បានបង្ហោះរូបថតអាំងប៉ាវមួយ ដែលមានលុយក្រដាស ១០០ដុល្លារ ជាង៣០សន្លឹក និងសរសេររៀបរាប់ថា "ស្វាមីខ្ញុំពិតជាចេះគិតគូរមែន។ គាត់បានឲ្យអាំងប៉ាវជាដុល្លារច្រើនៗ ទុកឲ្យខ្ញុំដើរទិញឥវ៉ាន់។ គួរឲ្យស្រលាញ់ណាស់!”។

តាមរយៈបណ្ដាញ Facebook នេះដែរ ភរិយារបស់តារាក្បាច់គុនរូបនេះបានបង្ហោះរូបថតជាច្រើនដែលបង្ហាញថា ស្វាមីរបស់នាងបានចំណាយពេលវេលាយ៉ាងផ្អែមល្ហែមជាមួយក្រុមគ្រួសាររបស់គេនៅប្រទេសថៃ ហើយកាលពីថ្ងៃបុណ្យ Valentine’s កន្លងទៅ គេឃើញប្ដីប្រពន្ធពួកគេរួមជាមួយកូនស្រីឈ្មោះ Jomkwan បានញ៉ាំអាហារជុំគ្នានៅភោជនីយដ្ឋានអាហារជប៉ុនមួយ។

អ្នកគាំទ្រជាច្រើនបានអបអរសាទរ ពេលឃើញជីវិតគ្រួសាររបស់តួឯករឿង "Ong Bak” រូបនេះមានសុភមង្គល ក្រោយរឿងអាស្រូវពីជម្លោះក្នុងក្រុមគ្រួសារតារារូបនេះបានបញ្ចប់។

Tony Jaa និង Piyarat Chotiwattananont បានចុះសំបុត្រអាពាហ៍ពិពាហ៍ជាមួយគ្នាកាលពីថ្ងៃទី២៩ ខែធ្នូ ឆ្នាំ២០១១ ក្រោយមកទើបរៀបចំពិធីមង្គលការជាមួយគ្នានៅថ្ងៃទី៣ ខែឧសភា ឆ្នាំ២០១២ ៕