នារីម្នាក់មើលកុនបណ្ដើរ សម្រេចកាមបណ្ដើរ ត្រូវប៉ូលិសចាប់ខ្លួន

2015-02-23 18:13:57
ចំនួនមតិ 0 | ចំនួនចែករំលែក 0

ចន្លោះមិនឃើញ

នារីវ័យ ៣៣ឆ្នាំម្នាក់ ត្រូវប៉ូលិសនៅក្នុងប្រទេសម៉ិកស៊ីកូចាប់វាយខ្នោះដៃ និងបញ្ជូនចេញពីរោងភាពយន្តភ្លាមៗ បន្ទាប់ពីនាងមើលរឿងលាយឈុតក្ដៅសាច់ 50 Shades of Grey កើតមានចំណង់ សម្រេចកាមដោយខ្លួនឯង។

អ្នកទស្សនាខ្សែភាពយន្តឯទៀត បានរាយការណ៍ដល់ប៉ូលិស ក្រោយសង្កេតឃើញថានារីម្នាក់សម្រេចកាមខ្លួនឯងពេលរឿងកំពុងដាក់បញ្ចាំង។ ក្រោយមក ប៉ូលិសបានទៅដល់រោងភាពយន្ត ដែលមានទីតាំងនៅក្នុងរដ្ឋ Sinaloa ប្រទេសម៉ិកស៊ីកូ រួចដាក់ខ្នោះដៃនារីនោះ និងចាប់ខ្លួនចេញពីបរិវេណរោងភាពយន្តភ្លាមៗ។ នារីដែលត្រូវប៉ូលិសចាប់ខ្លួន មានអាយុ ៣៣ឆ្នាំ និងមិនទាន់ឆ្លងកាត់ជីវិតអាពាហ៍ពិពាហ៍នៅឡើយទេ។

ខ្សែភាពយន្ត “Fifty Shades of Grey” ដឹកនាំសម្ដែងដោយលោក Sam Taylor-Johnson និងដកស្រង់តាមសៀវភៅប្រលោមលោកលក់ដាច់បំផុតមួយនៅឆ្នាំ២០១២ ដែលនិពន្ធដោយ E. L. James ។ “Fifty Shades of Grey” ជាប្រភេទភាពយន្តស្នេហាក្ដៅសាច់ មានឈុតឆាកសកម្មភាពផ្លូវភេទដ៏ ស្រើបស្រាល។ យ៉ាងណាមិញ រឿងនេះបានល្បីល្បាញយ៉ាងខ្លាំងទូទាំងពិភពលោក ដោយរកចំណូលបានប្រាក់រាប់លានដុល្លារ ក្រោយដាក់បញ្ចាំងតាំងពីថ្ងៃទិវានៃក្ដីស្រលាញ់ ប៉ុន្តែប្រទេសមួយចំនួនបានហាមឃាត់មិនឲ្យមានការដាក់បញ្ចាំងរឿងនេះទេ ព្រោះមានភាពសិចស៊ីខ្លាំងពេក៕