សម្រាប់​ប្រិយមិត្ត​ដែល​ប្រើ Firefox កំណែ​ប្រែ​ចុង​ក្រោយ​ 35.0 ឬ 36.0 អ្នក​ប្រាកដ​ជា​អាច​ប្រើ​មុខងារ​ថ្មី​មួយ​ ដែល​មាន​ឈ្មោះ​ថា Hello Firefox។ Firefox Hello អាច​ឱ្យ​អ្នក​ជជែក​កម្សាន្ត​ជា​មួយ​មិត្តភ័ក្ដិ​ជា​លក្ខណៈ​វីដេអូ​​ បាន​យ៉ាង​ងាយ​ស្រួល។

ដើម្បី​ដឹង​ថា​ តើ Version​ Firefox របស់​អ្នក​ជា​កំណែ​ប្រែ​ចុង​ក្រោយ​ឬ​ក៏​អត់ សូម​​​ចុច​លើ​ពាក្យ​ Help បន្ទាប់​មក​​ចុច​លើ​ពាក្យ About Firefox នោះ​អ្នក​នឹង​ឃើញ​ Version Firefox នោះ​។ ប៉ុន្តែ​បើ​សិន​ជា​មាន​ Version ថ្មី​សម្រាប់ Firefox ​ នោះ​វា​នឹង Update ឡើង​ទៅ​ Version ខ្ពស់​ជាង​នេះ​ទៀត​ដោយ​ស្វ័យ​ប្រវត្តិ​ ដោយ​ចំណាយ​ពេល​តែ​ប៉ុន្មាន​នាទី​ប៉ុណ្ណោះ។

១. បន្ទាប់​ពី​ Update រួច​ហើយ​ ប្រិយមិត្ត​នឹង​ឃើញ​ប៊ូតុង Hello នៅ​ខាង​ស្ដាំ​ដៃ​ផ្នែក​ខាង​លើ​នៃ​ Firefox បន្ទាប់​មក​ចុច​លើ​​វា រួច​ចុច​លើ Get Started​ ហើយ​ចុច​លើ Start a conversation។

២. ចុច​លើ​ពាក្យ Copy Link ដើម្បី​ Invite មិត្តភ័ក្ដិ​របស់​អ្នក​ ចូល​រួម​ជជែក​កម្សាន្ត​លក្ខណៈ​វីដេអូ។ ក្រោយ​ពី​ Copy Link នោះ​ហើយ អ្នក​គ្រាន់​តែ​ Paste វា​​លើ​ Facebook Chat ដើម្បី​ Invite មិត្ត​របស់​អ្នក។ នៅ​ពេល​មិត្ត​របស់​អ្នក ចុច​លើ​ Link ដែល​បាន​ផ្ញើ​នោះ អ្នក​និង​មិត្តភក្ដិ​អាច​សន្ទនា​នឹង​គ្នា​បាន​មិន​ខាន។

៣. នៅ​ពេល​មិត្តភក្ដិ​របស់​អ្នក​ បាន​ទទួល​ការ​អញ្ជើញ​នោះ វា​នឹង​លោត​ពណ៌​ខៀវ​នៅ​ខាង​​ស្តាំ​ឈ្មោះ​របស់​គេ។

៤. ដើម្បី​បញ្ចប់​ការ​សន្ទនា​សូម​ចុច​ប៊ូតុង​សញ្ញា​ព្រួញ​ (ដូច​រូប)។

៥. ចុច​ប៊ូតុង​ធុង​សំរាម​ពណ៌​ក្រហម​ ដើម្បី​លុប​ការ​សន្ទនា​នោះ។ ​​

**អ្នក​អាច​សន្ទនា​ជា​វីដេអូ​ជាមួយ​មិត្តភក្ដិ​បាន​លុះ​ត្រា​ណា​កុំព្យូទ័រ​របស់​អ្នក​មាន​កាមេរ៉ា​និង Microphone។

អាន៖ ​​​ចង់​ថត​វីដេអូ​លើ iPhone ​បាន​ស្អាត​ ចេះ​តែ​ប៉ុន្មាន​ក្បាច់​នេះ​ទៅ​បាន​ហើយ​​

ដោយ៖ ប៉ែត ផាន់និត ​​​