អូបាម៉ាក្លែងក្លាយ ប៉ះ គីម ជុងអ៊ុនក្លែងក្លាយ មានអ្វីកើតឡើង?

2015-02-26 16:07:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តប្រហែលជាធ្លាប់ឃើញហើយពីបុរសដែលមានមុខមាត់ស្រដៀងមេដឹកនាំកូរ៉េខាងជើង គីម ជុងអ៊ុន និងបុរសដែលស្រដៀងនឹងប្រធានាធីបតីសហរដ្ឋអាមេរិក បារ៉ាក់ អូបាម៉ា។ នៅពេលនេះ ពួកគេទាំង២នាក់ បានជួបគ្នាដោយផ្ទាល់ហើយ គឺជួបនៅ Los Angeles នៅខាងក្រៅពិធីចែកពានរង្វាន់ Oscar កាលពីថ្មីៗកន្លងទៅ។

បុរសដែលមុខដូចអូបាម៉ា មានឈ្មោះថា Reggie Brown អាយុ៣៤ឆ្នាំ ចំណែកបុរសដែលធ្វើខ្លួនដូចគីម ជុងអ៊ុន មានឈ្មោះ Howard អាយុ៣៦ឆ្នាំ។ ពួកគេទាំងពីរនាក់បានថតរូប selfie ជាមួយមនុស្សម្នាជាច្រើន ដែលរួមមានទាំងតារាល្បីមួយចំនួនផងដែរ មុនពេលព្យាយាមចូលក្នុងកម្មវិធី Oscar។ យ៉ាងណាក្ដី ការប្រើប្រាស់មុខមាត់ដូចបុគ្គលល្បី មិនអាចឲ្យអ្នកទាំង២ ចូលក្នុងកម្មវិធីដ៏ធំនោះបានសម្រេចដូចបំណងឡើយ។

Howard បាននិយាយថា៖ "នៅពេលដែលយើងទៅដល់វិថី Hollywood Boulevard មានមនុស្សជាច្រើនមកចោមរោមពួកយើង។ ពួកគេតាមយើង ដើម្បីថតរូបជាមួយ"។ ចំណែក Reggie ដែលត្រូវបានគេចាត់ទុកថាជាអ្នកតែងខ្លួនធ្វើលោកអូបាម៉ាសមជាងគេក្នុងលោកនោះ បាននិយាយដែរថា៖ "វាជាអារម្មណ៍មួយដ៏អស្ចារ្យ។ មនុស្សជាច្រើនដើរមករកយើង ហើយបង្ហាញអារម្មណ៍រីករាយ និងថតរូបជាមួយយើងដើម្បីទុកអួតមិត្តភក្ដិ និងគ្រួសារថែមទៀតផង"។

មិនមែនមានតែលោក Reggie ម្នាក់នោះទេ ដែលមានមុខមាត់ដូចលោកប្រធានាធីបតីអាមេរិក។ កាលពីថ្មីៗកន្លងទៅនេះ ក៏មានបុរសឥណ្ឌូណេស៊ីម្នាក់មានមុខមាត់ស្ទើរតែច្រឡំនឹងលោកអូបាម៉ា ហើយព្រមទាំងអាចរកចំណូលបានយ៉ាងច្រើនពីការធ្វើខ្លួនឲ្យដូចនោះផងដែរ។ ចង់ដឹងច្បាស់ សូមចុចអានត្រង់នេះ។