ចប់...!ស្រីស្អាត បេនីយុំាង អះអាងថានាងមានរោគប្រចាំកាយមើលមិនជា

2015-02-26 18:11:37
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងវ័យក្មេង បេនីយុំាង បានទម្លាយឲ្យដឹងថា តាមនាងមានជំងឺប្រចាំកាយម្យ៉ាងតាំងពីកំណើតមើលមិនជា នោះគឺ ជំងឺខ្សោយ ដែលជាហេតុធ្វើឲ្យនាង មិនអាចប្រឡូកខ្លាំងក្នុងការងារសិល្បៈ។

“ខ្ញុំចង់ដែរហ្នឹងណាបង តែវាខ្សោយចឹង"។ បេនីយុំាង ប្រាប់ថា នាងចង់ប្រឡូកសិល្បៈគ្រប់ផ្នែកទាំងអស់ ទាំងសម្ដែង ច្រៀង និងដើរម៉ូដជាដើម ប៉ុន្តែធ្វើទៅមិនបានដោយសារតែជំងឺខ្សោយ។ បច្ចុប្បន្ន តារាស្រីវ័យ ២៣ឆ្នាំរូបនេះ បានត្រឹមចូលរួមសម្ដែងតែក្នុងខារ៉ាអូខេប៉ុណ្ណោះ ខណៈសម្ដែងភាពយន្ត ដើរម៉ូដ និងច្រៀង នាងមិនទាន់ហ៊ានសាកនៅឡើយ បើទោះដឹងខ្លួនឯង ស័ក្ដិសមនឹងការងារទាំងនេះក៏ដោយ។

“ត្រឹមតែខារ៉ាអូខេហ្នឹង ពេលខ្លះក៏ងងឹតមុខចង់ដួលដែរបង ឲ្យតែហ៊ានថតច្រើន ឯច្រៀង ធ្លាប់ដែរតែមិនកើត យើងខ្សោយពេក ស្រែកអត់ដល់ ឯភាពយន្តអត់ទាន់ហ៊ានទេ ព្រោះត្រូវចុះខេត្តឆ្ងាយៗ ខ្លាចកំលាំងទៅអត់រួច"។ បេនីយុំាង បន្ថែមថា។

ជំងឺ "ខ្សោយ" របស់ បេនីយុំាង មានពីរប្រភេទដែលនៅជាប់ខ្លួនរបស់នាងបច្ចុប្បន្ន ទី១ខ្សោយដោយសារខ្វះជាតិស្ករ ឯទី២ គឺជំងឺខ្សោយបេះដូង ដែលជាជំងឺតំណពូជ។ តារាស្រីដែលមានគេស្គាល់តាមរយៈខារ៉ាអូខេរបស់ផលិតកម្មសាន់ដេរូបនេះ ប្រាប់ថា ម្ដាយរបស់នាងក៏មានជំងឺខ្សោយបេះដូង ឯលោកយាយ ក៏មានជំងឺបេះដូងដែរ គឺបេះដូងចំហ។

បេនីយុំាង និង ស៊ុំ សុម៉ាលី

ស្ថានភាពជំងឺទាំងពីរមុខនេះ បានធ្វើទុក្ខបុកម្នេញជារឿយៗឲ្យតែជួបការងារដែលធ្វើឲ្យនាងហត់ខ្លាំង ក្នុងនោះ បេនីយុំាង ប្រាប់ថា ជំងឺទាំងនេះ ធ្លាប់ធ្វើឲ្យនាងដួលសន្លប់ម្ដងជាពីរដួងរួចមកហើយ កាលនៅវ័យក្មេងជាងនេះ គឺក្នុងអាយុខ្ទង់ ១៥-១៦ឆ្នាំ។

បើទោះជាយ៉ាងនេះក្ដី តារាស្រីដែលកាន់តែមានគេស្គាល់ក្រោយថតរូបសិចស៊ីជាមួយ អេនឌី រូបនេះ ប្រាប់ថា ពេលនេះ នាងទទួលបានសំណើឲ្យចូលរួមសម្ដែងភាពយន្តភាគលើកដំបូងពីទូរទស្សន៍ CTN និង MyTV ហើយថា មួយក្នុងចំណោមនេះ កញ្ញាទំនងទទួលយក ដើម្បីសាកល្បងសុខភាពរបស់នាងផង។

បេនីយុំាង ជាមួយ សាត រស្មី

បេនីយុំាង បានចូលសិល្បៈអំឡុងចុងឆ្នាំ ២០១៣។ការងារសិល្បៈដែលទទួលកន្លងមក គឺសម្ដែងក្នុងខារ៉ាអូខេឲ្យផលិតកម្មធំៗដូចជាសាន់ដេ ហង្សមាស និងថោន។ តាមអ្នករាជធានីភ្នំពេញរូបនេះបញ្ជាក់ នាងថតខារ៉ាអូខេច្រើនឲ្យផលិតកម្មសាន់ដេ ក្នុងនោះបទដែលទទួលបានការចាប់អារម្មណ៍មានបទ "បងពីមុនបាត់ទៅណា" របស់ អ៊ីវ៉ា និងបទ "ខ្លាចបាត់អូន" និង "សុខៗនឹកសង្សារចាស់" របស់លោក ហេង ពិទូ ជាដើម។

រឹតតែល្បី ពេលនាងបានចូលរួមថតរូបភាពសិចស៊ីជាមួយ អេនឌី កាលពីពេលថ្មីៗ។ តាម អេនឌី ប្រាប់ថា ទស្សនាវដ្ដីក្នុងស្រុកនានា កំពុងប្រជែងចង់បានរូបលោក និងបេនីយុំាង ដាក់ក្របមុខរបស់ពួកគេ៕

អត្ថបទ៖ ដល់កហើយ អេនឌី រកបានដៃគូថ្មីស្អាតអស់ទាស់…!

អត្ថបទ៖ ទារិកា