Van Persie នឹងអវត្តមានក្នុងការប្រកួត FA Cup ប៉ះ Arsenal

2015-02-27 18:21:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធហុល្លង់ Robin van Persie នឹងខកខានចូលលេងឲ្យក្រុមបិសាចក្រហម Manchester United ក្នុងការប្រកួត FA Cup វគ្គ៨ក្រុមចុងក្រោយ ប៉ះក្រុមចាស់របស់គេ កាំភ្លើងធំ Arsenal នៅថ្ងៃទី៩ ខែមិនាខាងមុខ បន្ទាប់ពីទទួលបានព័ត៌មានថា រូបគេនឹងមិនអាចចូលលេងបានយ៉ាងហោចណាស់ក៏រយៈពេល១ខែដែរ។

កីឡាករវ័យ៣១ឆ្នាំ បានរងរបួសកជើងកាលពីប្រកួតចាញ់ក្រុម Swansea ២-១ កាលពីថ្ងៃសៅរ៍ ប៉ុន្តែកីឡាករពាក់លេខ២០រូបនេះ ត្រូវបង្ខំលេងទាំងឈឺចាប់ ព្រោះលោក Louis van Gaal បានដូរកីឡាករបម្រុងអស់ទាំង៣នាក់ហើយ ខណៈដែលចប់ការប្រកួត Persie ចាកចេញពីកីឡដ្ឋាន Liberty ទាំងជើងរុំបង់ និងប្រើឈើច្រត់ជំនួយ។

របួសរបស់ Van Persie នេះ នឹងធ្វើឲ្យក្រុមរបស់លោក Van Gaal យ៉ាប់យឺនថែមទៀត ខណៈដែលពួកគេត្រូវការប្រកួតប្រជែងខ្លាំង ដើម្បីរក្សាបានចំណាត់ថ្នាក់លេខ៤ សម្រាប់កៅអី Champions League ។ បិសាចក្រហមមានការប្រកួតក្នុងលីក ៤ប្រកួតនៅខែក្រោយ ដោយរាប់បញ្ចូលទាំងការប៉ះក្រុមខ្លាំង Tottenham និង Liverpool ផងដែរ។

អតីតខ្សែប្រយុទ្ធក្រុមកាំភ្លើងធំរូបនេះ ត្រូវបានគេមើលឃើញថាដូចជាធ្លាក់ទម្រង់លេងបន្តិចនៅរដូវកាលនេះ ដោយមកទល់នឹងពេលនេះ គេទើបតែរកគ្រាប់បាល់បញ្ចូលទីបាន ១០គ្រាប់ប៉ុណ្ណោះ ឲ្យក្រុមបិសាចក្រហម៕

ចុចអាន៖ Van Persie ត្រូវប៉ូលិសស្រីតាមស្ទាក់ផ្លូវ ពេលបើកបរទៅហ្វឹកហាត់

ប្រែសម្រួល៖ វិន ជីវ័ន្ត ប្រភព៖ Mirror