រូបភាពថ្មីៗ ពីប្រុសស្រលាញ់ប្រុសបីនាក់រៀបការនៅថៃ ល្បីពេញពិភពលោក

2015-02-28 18:22:12
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសបីនាក់នៅក្នុងប្រទេសថៃ ដែលស្រលាញ់គ្នាខ្លាំងរហូតឈានជើងចូលរោងការកាលពីថ្ងៃ១៤ ខែកុម្ភៈ ចំទិវានៃក្ដីស្រលាញ់ ពេលនេះចាប់ផ្ដើមល្បីសុសសាយដល់គេហទំព័របរទេសនានានៅលើពិភពលោក ដោយសារនេះជារឿងចម្លែក និងជាលើកដំបូងបំផុតនៅលើពិភពលោក។

បុរសស្រលាញ់ភេទដូចគ្នាទាំងបីនាក់នោះមានឈ្មោះ Joke អាយុ ២៩ឆ្នាំ, Bell អាយុ ២១ឆ្នាំ និង Art អាយុ ២៦ឆ្នាំ។ បន្ទាប់ពីរៀបការរួច កូនកំលោះឈ្មោះ Art បានបង្ហោះរូបភាពចូលក្នុងបណ្ដាញអ៊ីនធឺណិត ធ្វើឲ្យល្បីរន្ទឺពេញប្រទេសថៃ ជាពិសេសក្នុងចំណោមក្រុមមនុស្សស្រលាញ់ភេទដូចគ្នា ដែលបញ្ជាក់ពីអារម្មណ៍ពេញចិត្តយ៉ាងខ្លាំង។

យ៉ាងណាមិញ រូបភាពថ្មីៗទៀត ត្រូវបានគេហទំព័រ Dailymail ដ៏ល្បីរបស់អង់គ្លេស ទើបយកមកចុះផ្សាយបន្ថែម ធ្វើឲ្យរឿងនេះបែកធ្លាយសុសសាយពេញពិភពលោក ហើយគេហទំព័រដដែលនេះ បានបញ្ជាក់ថាអាពាហ៍ពិពាហ៍ប្រុសដូចគ្នាបីនាក់នៅប្រទេសថៃ គឺជារៀងដំបូងបំផុតមិនធ្លាប់មានពីមុនមក។

លោក Bell ដែលរស់នៅក្នុងខេត្ត Phitsanulok បាននិយាយថា "ខ្ញុំគិតថាយើងជាគូស្នេហ៍ភេទទីបីដំបូងគេដែលបានរៀបការ... អាចដំបូងគេនៅលើពិភពលោក"។ បុរសវ័យក្មេងជាងគេនេះ បានបញ្ជាក់ទៀតថា "អ្នកខ្លះប្រហែលជាទទួលយកមិនបានទេ ហើយអាចនឹងភ្ញាក់ផ្អើលជាមួយការសម្រេចចិត្តរបស់យើង ប៉ុន្តែយើងជឿថាមនុស្សជាច្រើនបានយល់ និងទទួលយកការសម្រេចចិត្តនេះ... ស្រលាញ់គឺស្រលាញ់ហើយ... គ្មានអ្វីលើសពីនេះទេ"៕