៦ យ៉ាងនារីមិនគួរធ្វើ បើហ៊ានប្រថុយច្បាស់ជាសង្សារលួចមើលងាយ

2015-03-02 16:48:59
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជាសង្សារមិនប្រាកដថា ពិតជាស្រលាញ់ និង ពេញចិត្តគ្រប់ទង្វើសកម្មភាពរបស់នារីជាមិត្តស្រីគ្រប់ពេលទេ។ ពេលខ្លះគេក៏មិនពេញចិត្ត បើខាងនារីធ្វើអ្វីមួយមិនសមទំនង មិនសូវផ្ដល់តម្លៃដល់ខ្លួនឯង រហូតដល់ពេលខ្លះគេអាចលួចគិតមិនល្អ ហើយមើលងាយនាងផងក៏ថាបាន។

ចុះមានចំណុចអ្វីខ្លះដែលនារីជាមិត្តស្រី មិនគួរធ្វើចៀសវាងមិត្តប្រុសមើលងាយនាងដោយមិនដឹងខ្លួន?

រូបតំណាង

ទុំមុនស្រគៀល យុវតីសិក្សានៅវិទ្យាល័យទួលទំពូងឈ្មោះ ស វត្តី និយាយថា ការប្រគល់ខ្លួនប្រាណឲ្យបុរសមុនពេលរៀបការ គឺជា រឿងមិនល្អខុសប្រពៃណីដែលនារីទាំងអស់មិនគួរធ្វើឡើយ។ វត្តី បន្តថា ទោះស្រលាញ់គ្នាយ៉ាងណាក៏ត្រូវរៀបការតាមប្រពៃណី មិនគួរលេងផ្លូវកាត់ទេ ម្យ៉ាងអាចឲ្យអ្នកដទៃសាច់ញាតិគិតមិនល្អ កុំថាឡើយមិត្តប្រុសនោះ។

កង្វះអនាម័យ ធុំក្លិនខ្លួន យុវជនមកពីវិទ្យាល័យទួលទំពូងដែរ ឈ្មោះ វេហា យល់ថា រឿងមួយទៀតដែលអាចឲ្យមិត្តប្រុសលួចមើលងាយមិត្តស្រីដោយមិនដឹងខ្លួន គឺបញ្ហាក្លិនខ្លួន។ វេហា បន្ថែមថា បើពេលនៅជិត ស្រាប់តែនាងធុំក្លិនផ្អុះផ្អាប់ ផ្អូមជូរ ដឹងតែបុរសគិតថា នាងជាមនុស្សមិនចេះសម្អាតខ្លួន មិនសូវចង់ងូតទឹកអីហើយមើលទៅ បានមានក្លិនមិនសូវស្រួលអ៊ីចឹង។ ដើរលេងចូលផ្ទះយប់ជ្រៅ ចំពោះ ស៊ បញ្ញា យុវជនរៀននៅសាកលវិទ្យាល័យជាតិគ្រប់គ្រង បញ្ចេញយោបល់ថា ពេលដែលនារីហាក់មិនសូវផ្ដល់តម្លៃដល់ខ្លួនឯងនោះបុរសនឹងមើលងាយនារីបើទោះជាសង្សារនឹងគ្នាយ៉ាងណាក៏ដោយ។ បញ្ញាថា ដើរលេងចូលផ្ទះយប់ជ្រៅ ម៉ោង ៩ យប់អីហើយនៅមិនទាន់ចូលផ្ទះទៀត ជារឿងមិនល្អដែលនារីមិនគប្បីធ្វើឡើយ។

ជំនឿអរូបិយនិយម គ្មានការពិចារណាថ្លឹងថ្លែង សម្រាប់ យុវតី យូរ៉ា សិស្សថ្នាក់ទី ១២ នៃវិទ្យាល័យទួលទំពូង ប្រាប់ថា ការជឿអ្វីងប់ងុលពេក ដែលមិនបានត្រិះរិះបានវែងឆ្ងាយ ក៏អាចជាចំណុចមួយឲ្យបុរសមើលស្រាលបានដែរ។ បុរសនឹងយល់ថា នារីមានការគិតបានតិច មិនគិតវែងឆ្ងាយ មិនចេះបែងចែកច្បាស់លាស់។

រូបតំណាង

ស្រលាញ់តែទ្រព្យរបស់សង្សារ "គ្មានបុរសណាឲ្យតម្លៃមិត្តស្រីដែលស្រលាញ់តែប្រាក់ និងទ្រព្យសម្បត្តិរបស់សង្សារទេ។ ពេលគេមានបានក៏នឹករលឹក ដល់គេមានទុក្ខក៏បោះបង់ចោល"។ នេះបើតាម លោក សុភក្កិ អតីតនិស្សិតសាកលវិទ្យាល័យភូមិន្ទភ្នំពេញនិយាយដូច្នេះ។ សុភក្កិ ថា បុរសស្រលាញ់នារីណាដែលស្រលាញ់ចិត្តគេពិតប្រាកដ មិនមែនលុយឡើយ។

ចាយវាយខ្ជះខ្ជាយ (ចាយអត់ចេះគិត) សុណារី បុគ្គលិកផ្នែកលក់នៅបញ្ជរគ្រឿងសំអាង Revlon និយាយថា បើនារីចេះសន្សំសំចៃ បុរសនឹងសរសើរ តែបើនារីចាយមិនចេះគិត មានលុយប៉ុន្មានចាយអស់ៗ ជួនជំពាក់គេទៀត បុរសជាសង្សារមុខតែនឹងមើលងាយជាក់ជាមិនខាន។

ចុះអ្នកវិញ គិតយ៉ាងណាដែរ?

សូមអាន៖ ៤ ហេតុផលងាយៗ បុរសដាច់ចិត្តហ៊ានហាមាត់ថា ស្រលាញ់

អត្ថបទ៖ លឹម សុនា