មិនគួរឲ្យជឿ! អវកាសយានិកថត Selfie ពីស្ថានីយអវកាសអន្តរជាតិ

2015-03-03 15:27:37
ចំនួនមតិ 0 | ចំនួនចែករំលែក 0

ចន្លោះមិនឃើញ

អវកាសយានិកអាមេរិកលោក Terry Virts បានបង្ហោះរូបភាពប៉ុន្មានសន្លឹកពីបេសកកម្មការងារនៅស្ថានីយអវកាសអន្តរជាតិ និងរូបថត Selfie ជាដើម។ រូបអវកាសយានិករូបនេះបង្ហោះទៅក្នុងបណ្ដាញ Twitter គឺរូបបេសកកម្មដើរលើទីអវកាសរបស់លោក និងសហសេវិកម្នាក់ទៀតគឺលោក Butch Wilmore អមដោយឃ្លាថា "តើអ្នករកឃើញអ្នកដើរលើទីអវកាស (អវកាសយានិក) នៅក្នុងរូបនេះទេ?"

ក្រៅពីនេះ លោកក៏បង្ហោះរូបថត Selfie មួយទៀតដោយសរសេរថា "បេសកកម្មបានសម្រេច។ ការដើរលើកទីអវកាសជាលើកទីបី #Spacewalks, ខ្សែកាប ៨០០ ខ្សែ អង់តែន ៤ ម៉ាស៊ីនចំណាំងផ្លាតឡាស៊ែ ៣ និងដាក់ខ្លាញ់ដៃរ៉ូបូតមួយបានបំពាក់"។

លោក Terry Virts បង្ហោះរូបថត Selfie ទៅលើបណ្តាញ Twitter

ទោះយ៉ាងណាគ្រប់យ៉ាងមិនដំណើរការរលូនទាំងអស់ទេ ខោអាវអវកាសយានិក Butch Wilmore ត្រូវបានគេប្រទះឃើញថា មានបញ្ហា និងមួកអវកាសរបស់លោក Terry Virts មានទឹកនៅខាងក្នុង។ តែសំណាងល្អ ទឹកមាននៅក្នុងនោះមិនច្រើន ហើយវាភាយចេញមកពេលលោកចូលមកក្នុងស្ថានីយអវកាសវិញហើយ។

ក្រោយធ្វើការវិភាគអស់រយៈពេល ២ ថ្ងៃ ក្រុមវិស្វករសន្និដ្ឋានថា វាជាលទ្ធផលនៃចំហាយទឹកប៉ុណ្ណោះ។

កាលពីឆ្នាំ ២០១៣ អវកាសយានិកម្នាក់ស្ទើរនឹងឈ្លក់ទឹកស្លាប់ដោយសារបញ្ហាទឹកក្នុងមួកនេះ។ កាលណោះ អវកាសយានិកអ៊ីតាលីលោក Luca Parmitano ស្ទើរតែចូលមកស្ថានីយអវកាសវិញសឹងមិនទាន់ពេលបំពេញបេសកកម្មដើរលើទីអវកាសដោយសារទឹកបានជ្រាបជិតពេញមួករបស់គាត់។

ពេលនោះដែរ ភ្នាក់ងារអវកាស NASA បានចំណាយពេលរាប់ខែស៊ើបអង្កេតទម្រាំអនុញ្ញាតឲ្យមានការបេសកកម្មដើរលើទីអវកាសជាថ្មី។

សូមមើលរូបដែលលោក Terry Virts បង្ហោះកាលពីថ្មីៗនេះ៖