ថតរឿងសោះឈ្លោះគ្នាមែនទែន រ៉ាំបូនិងក្រុមការងារឃាត់ព្រាត

2015-03-03 19:28:08
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពុងសម្ដែងឈុតប្រដាល់លើសង្វៀន ក្នុងរឿង " Creed” កីឡាករប្រដាល់អាជីព (Real Boxer) Tony Bellew បានខឹងនឹងតារាសម្ដែងម្នាក់ទៀត រហូតបង្កឱ្យមានជម្លោះ។ ពេលឃើញដូច្នេះ តារាសម្ដែង Sylvester Stallone (រ៉ាំបូ) និងក្រុមការងារ បាននាំគ្នាជួយឃាត់ ពេញកន្លែងថតនៅទីក្រុង Philadelphia កាលពីម្សិលមិញនេះ។

កីឡាករប្រដាល់ Tony Bellew

ពេលនោះកីឡាករប្រដាល់សញ្ជាតិអង់គ្លេស Tony បានផ្ទុះកំហឹងនឹងតារាសម្ដែង មិនត្រូវគេបញ្ចេញឈ្មោះ មួយរូបទៀតពេលកំពុងថត ដែលវិវាទនេះមិនមានរាប់បញ្ចូលក្នុងសាច់រឿង ដែលសរសេរឡើយ។ នេះបើតាមការឱ្យដឹង របស់គេហទំព័រ TMZ។

តំណាងស្ទូឌីយូមួយរូបប្រាប់ TMZ ថា រឿងហេតុនេះមិនឈានដល់ការប្រើហិង្សារាងកាយទេ បើទោះបីអ្នកឃើញហេតុការណ៍ និយាយយ៉ាងដូច្នេះមែននោះ។ គេហទំព័រ DailyMail បានទាក់ទងទៅតំណាងរបស់រ៉ាំបូហើយ តែមកដល់ពេលនេះ មិនទាន់មានការបញ្ជាក់ ណាមួយនៅឡើយទេ។

ជុំវិញបញ្ហានេះ គេមិនទាន់ដឹងទេថាបណ្ដាលមកពីអ្វី ហើយប៉ូលិសត្រូវបានគេទូរសព្ទឲ្យអន្តរាគមន៍នៅកន្លែងកើតហេតុដែរ ប៉ុន្តែមិនច្បាស់ថា ការពិន័យនឹងត្រូវធ្វើឡើងឬក៏អត់។

“Creed" ជាខ្សែភាពយន្តជាមានចំណងជើងថា “Rocky”ទី៧ ដែលដកចេញពីស៊េរីរឿង “Rocky film series ” ។ រឿងប្រដាល់ដែលដឹកនាំដោយ លោក Ryan Coogler នេះ ចាប់ផ្ដើមថតក្នុងថ្ងៃទី ១៩ ខែមករា ឆ្នាំ២០១៥ ក្នុងប្រទេសអង់គ្លេស ហើយបន្តទៅទីក្រុង Philadelphia សហរដ្ឋអាមេរិក។ “Creed" នឹងមានចាក់បញ្ចាំងនៅទឹកដីអាមេរិក ថ្ងៃទី ២៥ ខែវិច្ឆិកា ឆ្នាំនេះ។

ចំពោះសាច់រឿង តួអង្គ Adonis Johnson Creed សម្ដែងដោយ Michael B. Jordan មិនបានដឹងពីប្រវត្តិឪពុក ដែលជាម្ចាស់ជើងឯកប្រដាល់ទម្ងន់ធ្ងន់លំដាប់ពិភពលោក ឈ្មោះ Apollo Creed ដែលស្លាប់មុនពេលគេកើតទេ។ ទោះយ៉ាងណារូបគេ នៅតែមានឈាមជាអ្នកប្រដាល់ ដូច្នេះហើយទើប Adonis បានទៅទីក្រុង Philadelphia កន្លែងឪពុកប្រកួតជាមួយកំពូលជើងខ្លាំង Rocky Balboa សម្ដែងដោយ រ៉ាំបូ។

ពេលមួយនោះកូនកំព្រាឪពុករូបនេះ បានជួបរ៉ាំបូ ហើយសុំគេធ្វើជាគ្រូបង្វឹក។ ក្រៅពីការទទូច រ៉ាំបូ មើលឃើញពីកម្លាំង និងការប្ដេជ្ញាដែលមានដូច Apollo គូប្រជែងខ្លាំងក្លា ដែលបានក្លាយជាមិត្តជិតស្និទ្ធរបស់ខ្លួន។ រ៉ាំក៏បូយល់ព្រម ហើយបានហ្វឹកហាត់ អ្នកប្រដាល់វ័យក្មេងនេះ ដើម្បីប្រកួតជាមួយគូប្រជែងដ៏គ្រោះថ្នាក់ នៅលើសង្វៀន៕