បច្ចេកវិទ្យាទាំង៤ ដែលគួរតែយកមកបំពាក់លើរថយន្តពេលអនាគត

2015-03-03 18:59:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្បិតតែបច្ចុប្បន្នក្រុមហ៊ុនជាច្រើនបានព្យាយាមបង្កើតបច្ចេកវិទ្យាទំនើបៗសម្រាប់បំពាក់លើរថយន្ត តែវានៅតែមានចំណុចខ្វះខាតមួយចំនួន ដែលរថយន្តបច្ចុប្បន្នមិនទាន់មាន។ បច្ចេកវិទ្យាទំនើបៗ ដែលគួរតែយកមកបំពាក់លើរថយន្តនាពេលអនាគតមានដូចជា Face Recognition, Vehicle-To-Vehicle Communication, Transparent Pillar និង GPS-Enhanced Cruise Control។ បច្ចេកវិទ្យាទាំងនេះនឹងជួយបង្កើនសុវត្ថិភាពក្នុងពេលបើកបរ ឱ្យកាន់តែមានប្រសិទ្ធភាពខ្លាំងឡើង។

១. Face Recognition

មុខងារមួយនេះ អាចសម្គាល់ផ្ទៃមុខមនុស្សនៅក្នុងរថយន្ត ដោយអ្នកជាអ្នកកំណត់។ ប្រសិនបើមាននរណាម្នាក់ចង់បើករថយន្តរបស់អ្នក ដោយមុខងារនេះមិនធ្លាប់ស្គាល់ នោះរថយន្តនឹងមិនដំណើរការដាច់ខាត។ នេះជាបច្ចេកវិទ្យាដែលណែនាំដោយក្រុមហ៊ុន Ford។

២. Vehicle-To-Vehicle Communication

V2V communication ជាគំរូបច្ចេកវិទ្យាមួយដែលរថយន្តទៅគួរតែមាន ព្រោះវាអាចបញ្ចៀស និងកាត់បន្ថយគ្រោះថ្នាក់ចរាចរណ៍បានមួយកម្រិតធំ។ នៅពេលរថយន្តទាំងអស់បំពាក់បច្ចេកវិទ្យានេះ នោះពួកវានឹងអាចទាក់ទងគ្នាបានយ៉ាងងាយ។ ឧទាហរណ៍ ពេលដែលមានរថយន្តណាមួយចេញភ្លើងស៊ីញ៉ូពណ៌ក្រហម អ្នកនឹងទទួលដំណឹងនៅលើតាប្លូរថយន្តរបស់អ្នក ឬក៏រថយន្តអាចនឹងចាប់ហ្រ្វាំងដោយស្វ័យប្រវត្តិ។

https://www.youtube.com/watch?v=cqj2UvKLGrw

៣. Transparent pillars

វាជាគំរូបច្ចេកវិទ្យាមួយដែលណែនាំដោយក្រុមហ៊ុន Jaguar។ បច្ចេកវិទ្យានេះអាចឱ្យអ្នកបើកបរ មើលឃើញរូបភាពធ្លុះ ពីសសរបង្អួចផ្នែកខាងមុខ ចំហៀង និងខាងក្រោយរថយន្ត ដោយមានកាមេរ៉ាបំពាក់នៅផ្នែកខាងក្រៅ។ លើសពីនេះនៅមានមុខងារមួយទៀត គឺ Ghost car ដែលអាចនាំផ្លូវអ្នកបើកបរ ខណៈកំពុងធ្វើដំណើរលើផ្លូវចង្អៀតក្នុងទីក្រុង ដើម្បីបញ្ចៀសការកកស្ទះ។

https://www.youtube.com/watch?v=c98h41TkREA

៤. Thermal Energy Recovery

កាលណារថយន្តបញ្ចេញកម្ដៅកាន់តែខ្លាំង ថាមពលនឹងអស់ច្រើនទៅតាមនោះដែរ។ បច្ចេកវិទ្យា Thermal Energy Recovery នឹងអាចជួយបម្លែងកម្ដៅដែលបាត់បង់ក្នុងបំពង់ស៊ីម៉ាំង ឱ្យទៅជាថាមពលអគ្គិសនី ឬថាមពលមេកានិច ដើម្បីជួយឱ្យរថយន្តដំណើរការបានល្អនិងស៊ីសាំងតិចជាងមុន៕

អាន៖ រថយន្តបាញ់មិនមុតទាំង១០ធានាអ្នកជិះមានសុវត្ថិភាព

ប្រែសម្រួល៖ ប៉ែត ផាន់និត

ប្រភព៖ jalopnik