យន្តហោះដឹកអ្នកដំណើរ២២៤នាក់ រត់ខុសផ្លូវបែកកង់ខ្ទេចនៅនេប៉ាល់
- 2015-03-05 21:16:06
- ចំនួនមតិ 0 | ចំនួនចែករំលែក 0
យន្តហោះដឹកអ្នកដំណើរ២២៤នាក់ រត់ខុសផ្លូវបែកកង់ខ្ទេចនៅនេប៉ាល់
ចន្លោះមិនឃើញ
យន្តហោះរបស់ក្រុមហ៊ុនអាកាសចរណ៍ទួរគី ដែលកំពុងដឹកអ្នកដំណើរសរុប ២២៤នាក់ រួមទាំងក្រុមការងារ ១១នាក់ បានរត់ខុសផ្លូវនៅនេប៉ាល់ បណ្ដាលឲ្យខូចខាតកង់មុខទាំងស្រុងធ្វើឲ្យក្បាលយន្តហោះរាបដល់ដី ប៉ុន្តែសំណាងល្អពុំមានប៉ះពាល់ដល់អាយុជីវិតទេ គ្រាន់តែរងរបួសតិចតួចប៉ុណ្ណោះ។
មន្ត្រីអាកាសចរណ៍បាននិយាយថា យន្តហោះដែលដឹកអ្នកដំណើរមកពីទីក្រុងអ៊ីស្តាន់ប៊ុល ប្រទេសទួរគី បានរត់ខុសផ្លូវពេលចុះចតនៅរដ្ឋធានីកាន់ម៉ាន់ឌូ ប្រទេសនេប៉ាល់។ យ៉ាងណាក៏ដោយ នៅក្នុងហេតុការណ៍ដ៏រន្ធត់នេះ ពុំបណ្ដាលឲ្យនរណាម្នាក់រងគ្រោះថ្នាក់ដល់អាយុជីវិតទេ ប៉ុន្តែពួកគេបានរត់គេចខ្លួនដោយភាពភ័យរន្ធត់ ព្រមទាំងរងរបួសតិចតួច។
មូលហេតុដែលយន្តហោះនេះជួបគ្រោះថ្នាក់ បណ្ដាលមកពីការចុះអ័ព្ទយ៉ាងក្រាស់ ធ្វើឲ្យអាកាសយានដ្ឋានអន្តរជាតិ Tribhuwan រអិលខ្លាំង ហើយយន្តហោះរបស់ក្រុមហ៊ុនអាកាសចរណ៍ទួរគីបានរត់ខុសផ្លូវពេលប៉ុនប៉ងចុះចតលើកទីពីរ។ ក្រោយកើតហេតុ ព្រលានយន្តហោះអន្តរជាតិ Tribhuwan ត្រូវគេបិទបណ្ដោះអាសន្ន៕
http://youtu.be/NrYDKeyBtzc
ចុចអាន៖ បាត់ខ្លួនជើងហោះហើរ MH370 នៅតែស្ថិតក្នុងភាពអាថ៌កំបាំង
ប្រែសម្រួល៖ គង់ វិសាល ប្រភព៖ Dailymail
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
