Bingbing រ៉ូមែនទិកជាមួយ Li Chen ដល់ទៅ ២យប់?

2015-03-05 22:10:43
ចំនួនមតិ 0 | ចំនួនចែករំលែក 0

ចន្លោះមិនឃើញ

លើកមុនមានព័ត៌មានថា Fan Bingbing នឹងរៀបការជាមួយតារាសម្ដែង រឿង " The Empress of China” ឈ្មោះ Li Chen ប៉ុន្តែត្រូវបាននាងច្រានចោល។ ចំណែកថ្មីៗនេះលេចឮព័ត៌មានមកទៀតថា ពួកគេបានចំណាយពេលរ៉ូមែនទិក ជាមួយគ្នាដល់២យប់ ក្នុងថ្ងៃទិវានៃសេចក្ដីស្រលាញ់។

គេហទំព័រ Jaynestars ឱ្យដឹងថា រូបថត Li Chen ទៅបន្ទប់សណ្ឋារបស់ Bingbing ក្នុងទីក្រុងសៀងហៃ អំឡុងថ្ងៃ១៤ កុម្ភៈ បានលេចឡើងព្រោងព្រាត លើបណ្ដាញសារព័ត៌មាន។ មិនតែប៉ុណ្ណោះអ្នកទាំងពីរបានញ៉ែគ្នា តាមបណ្ដាញទំនាក់ទំនងសង្គម Sina Weibo ផងដែរ។

ដើម្បីបញ្ជាក់ឱ្យកាន់តែច្បាស់ ក្រុមអ្នកប្រមាញ់រូបថត (Paparazzi) បានសួរសំណួរជាច្រើន ទៅកាន់តារាសម្ដែង Bingbing។ ប៉ុន្តែផលិតកររូបស្រស់ បានត្រឹមតែញញឹម ហើយមិនឆ្លើយបំភ្លឺពីបញ្ហានេះទេ ខណៈពេលនាងទៅផ្សព្វផ្សាយរឿង " The Empress of China” នាពេលកន្លងមក។

ពេលសួរថាតើ Li Chen បានចំណាយពេលនៅជាមួយនាង ២យប់ក្នុងទីក្រុងសៀងហៃមែនឬយ៉ាងណា? តារាដើមទ្រូងមូលក្លំរូបនេះ ឆ្លើយទាំងចម្ងល់ថា “Huh?” រួចគេចចេញភ្លាមៗ ដោយគ្មាននិយាយអ្វីទាំងអស់។

រឿងទាក់ទងដ៏អាថ៌កំបាំង របស់តួឯករឿង "បិសាចក្រមុំសក់ស” Bingbing និងតារាសម្ដែងប្រុស Li Chen បានផ្ទុះឡើងប៉ុន្មានថ្ងៃមុននេះ ហើយសាធារណជន បានដាក់ការសង្ឃ័យថា តារាស្រីវ័យ៣៣ឆ្នាំ បានទទួលយកសំណើរៀបការរបស់ Li Chen ហើយ ហើយពួកគេនឹងចងចំណងស្នេហ៍ នៅខែមិថុនាខាងមុខ៕