ណែនាំឲ្យស្គាល់កូនខ្មែរម្នាក់ទៀតដែលធ្លាប់សម្ដែងជាមួយ លី លានជា

2014-10-06 23:45:08
ចំនួនមតិ 0 | ចំនួនចែករំលែក 0

ចន្លោះមិនឃើញ

បើទោះជាមិនត្រូវបានគេស្គាល់មុខផ្ទាល់ច្រើននៅលើឆាកអន្តរជាតិក៏ពិតមែន តែបើនិយាយពីបទពិសោធន៍សម្ដែង Maurice Chan គឺមានក្រាស់ក្រែលពាក់ព័ន្ធនឹងវិស័យភាពយន្តធំជាងគេក្នុងលោកហូលីវូដ។ កូនខ្មែរ-បារាំងរូបនេះគឺជា ស្ថាបនិកក្រុមសម្ដែងក្បាច់គុន និងឈុតគ្រោះថ្នាក់ដ៏ល្បីល្បាញនៅបារាំង និងអឺរ៉ុបឈ្មោះថា CASCADE DEMO។ តាមរយៈការបង្កើតក្រុមសម្ដែងឈុតគ្រោះថ្នាក់នេះ លោកបានជួយជ្រោមជ្រែងកូនខ្មែរមានសមត្ថភាពខាងវិជ្ជាគុនផ្សេងទៀតឲ្យបានចូលសម្ដែងដែរដោយក្នុងនោះរួមមាន Jean-Paul Ly និង ណុប ដារ៉ែន (Sabay ធ្លាប់ចុះផ្សាយកាលពីលេខមុន) ។

Maurice ថតជុំគ្នាជាមួយ Jet Li កាលសម្ដែងរឿង "Danny the Dog" ជាភាសាបារាំង

មិនតែប៉ុណ្ណោះ បុរសវ័យ ៣៩ ឆ្នាំរូបនេះធ្លាប់បានសម្ដែងដោយខ្លួនឯងផ្ទាល់ជាមួយកំពូលតារាហូលីវូដល្បីៗរូមមាន John Travolta, Morgan Freeman, Johnathan Reyes Meyer, Cyril Raffaelli, David Belle, Scarlett Johannsson និងកំពូលតារាក្បាច់គុនចិន Jet Li (លី លានជា) ទៀតផង។ ចំពោះដំណើរជីវិត មូលហេតុដែលអាចចូលសម្ដែងកុនហូលីវូដ ការបង្កើតក្រុមសម្ដែងឈុតគ្រោះថ្នាក់ធំបំផុតរបស់អឺរ៉ុប CASCADE DEMO និងចំណាប់អារម្មណ៍របស់គាត់មកលើវិស័យកុនខ្មែរ Sabayនឹងផ្សាយជូនលម្អិតនាពេលឆាប់ៗនេះ!