វិធីងាយៗសាកថ្ម iPhone ចូលលឿនជាងធម្មតា

2015-03-09 16:09:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារទូរសព្ទ iPhone មានមុខងារកម្សាន្តសម្បូរបែប ដូចនេះហើយទើបប្រិយមិត្តមួយចំនួនមានកង្វល់រឿងបញ្ចូលថ្ម ដែលត្រូវចំណាយពេលយូរ និងការរង់ចាំដោយភាពធុញថប់។ លើសពីនេះទៅទៀត បើអ្នកគ្មានពេលវេលាគ្រប់គ្រាន់ផងនោះ ទូរសព្ទស៊េរីទំនើបរបស់អ្នកមួយនេះ នឹងនាំភាពមួម៉ៅពេលបញ្ចូលថ្មជាក់ជាមិនខាន។ យ៉ាងណាមិញ គេហទំព័រ Businessinsider បានបង្ហាញ ៤វិធីងាយៗ បញ្ចូលថ្ម iPhone លឿនជាងធម្មតា ដែលអ្នកអាចយកទៅសាកល្បងបាន។

១. ពេលបញ្ចូលថ្ម ត្រូវដាក់ Airplane mode ព្រោះពេលនោះទូរសព្ទរបស់អ្នកនឹងគ្មានលោតសញ្ញាអ្វីទាំងអស់ ហើយក៏មិនរាវរកសេវាដែលនាំឲ្យរំខានដល់ការបញ្ចូលថ្មដែរ

២. ដកស្រោមចេញឲ្យអស់ពេលបញ្ចូលថ្ម ព្រោះវាអាចជួយកាត់បន្ថយកម្ដៅ

៣. សាកល្បងឆ្នាំងសាករបស់ iPad ជំនួសឆ្នាំងសាករបស់ iPhone។ តាមការសាកល្បង បញ្ចូលថ្មទូរសព្ទ iPhone ពី ០ភាគរយ ដល់ពេញ ១០០ភាគរយ ឆ្នាំងសាក iPad ដែលមានទំហំធំជាង ប្រើពេលត្រឹម ១២៧នាទីប៉ុណ្ណោះ ខណៈឆ្នាំងសាក iPhone ប្រើពេលដល់ទៅ ២១១នាទី។

៤. ពេលបញ្ចូលថ្ម ត្រូវដាក់ទូរសព្ទរបស់អ្នកឲ្យនៅឆ្ងាយដាច់តែឯង៕

ដោយ៖ គង់ វិសាល ប្រភព៖ Businessinsider