អាកាសយានដ្ឋាន​អន្តរជាតិ​ Changi ​របស់​សិង្ហបុរី​ បាន​ឈ្នះ​ពានរង្វាន់​ជា​អាកាសយានដ្ឋាន​​ល្អ​បំផុត​លើ​ពិភពលោក​សម្រាប់​ឆ្នាំ​២០១៥​នេះ ហើយ​ក៏​ជា​លើក​ទីបី​ជាប់​គ្នា​ផង​ដែរ​។

ការ​ប្រកួតប្រជែង​នេះ ​ត្រូវ​បាន​បោះឆ្នោត​ដោយ​ភ្ញៀវ​ទេសចរ​ដែល​ជា​អ្នក​ធ្វើដំណើរ​តាម​ជើង​ហោះហើរ​ផ្សេង​ៗ​នៅ​ជុំវិញ​ពិភពលោក។ Changi បាន​នាំមុខ​អាកាសយានដ្ឋាន​អន្តរជាតិ​ផ្សេង​ៗ​ទៀត​ដូចជា  Incheon របស់​កូរ៉េ​ខាងត្បូង និង​ព្រលាន​យន្តហោះ​ទីក្រុង Munich របស់​អាល្លឺម៉ង់​ជា​ដើម។

នេះ​ជា​លើក​ទី​ប្រាំ​សម្រាប់​សិង្ហបុរី​ដែល​បាន​ទទួល​ពានរង្វាន់​ជា​ព្រលាន​យន្តហោះ​ល្អ​ដាច់គេ​ពិភពលោក ​បើ​យោង​តាម​សេចក្ដី​ប្រកាស​ព័ត៌មាន​កាលពី​ម្សិលមិញរបស់ channelnewsasia។ ចំពោះ​ពាន​រង្វាន់ពី​លេខ​ពីរ​ ដល់​លេខ​ដប់​ បាន​ទៅ​លើ៖

២. ព្រលាន​យន្តហោះ​អន្តរជាតិ Incheon ប្រទេសកូរ៉េខាងត្បូង

៣. ព្រលាន​យន្តហោះអន្តរជាតិ Munich ប្រទេសអាល្លឺម៉ង់

៤.  ព្រលាន​យន្តហោះ​អន្តរជាតិ Hong Kong  ទីក្រុងហុងកុង

៥. ព្រលាន​យន្តហោះ​អន្តរជាតិ Tokyo ប្រទេសជប៉ុន

៦. ព្រលាន​យន្តហោះ​អន្តរជាតិ​ Zurich ប្រទេសស្វីស

៧. ព្រលាន​យន្តហោះ​អន្តរជាតិ Central Japan ប្រទេសជប៉ុន

៨. ព្រលាន​យន្តហោះអន្តរជាតិ​ London Heathrow ប្រទេសអង់គ្លេស

៩. ព្រលាន​យន្តហោះ​អន្តរជាតិ​ Amsterdam Schiphol ប្រទេសហុល្លង់

១០. ព្រលាន​យន្តហោះ​អន្តរជាតិ​ Beijing Capital ប្រទេសចិន

ប្រែ​សម្រួល៖ទ្រី រ៉ាវី ប្រភព៖channelnewsasia