Sir Alex បញ្ចេញសៀវភៅយុទ្ធសាស្ត្រដឹកនាំមួយក្បាលទៀតហើយ

2015-03-12 21:22:01
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតអ្នកចាត់ការក្រុមបិសាចក្រហម លោក Sir Alex Ferguson បានបង្ហាញសៀវភៅយុទ្ធសាស្ត្រដឹកនាំថ្មីមួយក្បាលទៀតហើយដែលមានចំណងជើងថា Leading ដើម្បីឱ្យអ្នកដែលចង់ដឹងពីរបៀបដឹកនាំរបស់លោកនៅ Old Trafford បានយល់ច្បាស់។

សៀវភៅមួយក្បាលថ្មីនេះដែរ គឺលោក Micheal Mortiz ជាអ្នកសរសេរ ពីរបៀបដឹងនាំរបស់បុគ្គលជោគជ័យជាងគេលើលោក ខាងផ្នែកដឹកនាំក្លិបបាល់ទាត់អស់រយៈពេល៣៨ឆ្នាំ។ បន្ថែមពីលើនេះដែរ ខាងក្រុមការងារដែលផ្ដួចផ្ដើមសៀវភៅនេះបានបង្ហើបពីអត្ថន័យខាងក្នុងបន្តិចដែរថា៖ “មួយក្បាលនេះនឹងបរិយាយពីតាក់តិចក្នុងការដឹកនាំក្រុមពីបាតដៃទទេ រហូតបានក្លាយជាក្រុមខ្លាំងមួយលើលោក។ ពីគ្មានអ្នកគាំទ្ររហូតដល់មានអ្នកគាំទ្រច្រើនបំផុត និងសរសេរពីក្បួនក្នុងការសម្រេចចិត្តប្រើកីឡាករផងដែរ”។

ដោយឡែកលោក Sir Alex ក៏បានបញ្ចេញអារម្មណ៍ផ្ទាល់ខ្លួនផងដែរថា៖ “តាំងពីខ្ញុំចូលនិវត្តន៍មក ខ្ញុំតែងតែស្រមៃដល់កាលដែលបានធ្វើជាអ្នកចាត់ការ និងពេលវេលាដែលខ្ញុំអាចនាំក្រុមបានជោគជ័យបំផុត។ វាជាបទពិសោធន៍ល្អបំផុតសម្រាប់ខ្ញុំកាលពីពេលកន្លងមក ហើយខ្ញុំក៏តែងតែគិតពីវាជាជាងអនាគតរបស់ខ្ញុំដែរ។ Manchester United គឺជាចំណែកមួយក្នុងជីវិតរបស់ខ្ញុំ ហើយសៀវភៅមួយក្បាលថ្មីនេះ ខ្ញុំក៏សង្ឃឹមថាអាចឱ្យអ្នកជំនាន់ក្រោយយល់ខ្លះពីបិសាចក្រហមដែរ”។

បុរសជនជាតិស្កុតឡែន វ័យ៧៣ឆ្នាំខាងលើនេះ គឺជាមនុស្សម្នាក់គត់ដែលបានដឹកនាំក្រុមបិសាចក្រហមបានជោគជ័យបំផុត ពោលគឺរូបលោកធ្វើជាអ្នកចាត់ការរយៈពេល២៧ឆ្នាំ ចាប់តាំងពីឆ្នាំ១៩៨៦ ដល់២០១៣ ដោយអាចជួយ Man Utd លើកពានធំៗជាច្រើនដូចជា Premier League ១៣ដង និង UEFA Champions League ២ដង។ មួយវិញទៀតក្រោយពីប្រកាសចូលនិវត្តន៍នៅឆ្នាំ២០១៣ រូបលោកក៏ធ្លាប់សរសេរសៀវភៅលក់ម្ដងមកហើយដែរ ហើយក៏ទទួលបានកាគាំទ្រជាច្រើនផងដែរ ៕

ប្រែសម្រួល៖ មុន្នី រម្យ ប្រភព៖ dailymail

ពាក្យទាក់ទង

កីឡាបាល់ទាត់អន្តរជាតិ Sir Alex Fergusen

អត្ថបទពេញនិយម

មកស្គាល់មិត្តពីកុមារភាពរបស់ Jungkook បច្ចុប្បន្នជា Idol ល្បីឈ្មោះម្នាក់ដែរប្រចាំវិស័យ

គម្រោងប្រព័ន្ធធារាសាស្រ្តថ្មី២នេះ នឹងបម្រើដល់វិស័យកសិកម្មក្នុងខេត្តកំពង់ធំ យ៉ាងធំធេង

អ្នកជំនាញ កំពុងសាកល្បងផ្គុំថ្មទៅតាមលំនាំដើម នៅប្រាសាទជម

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

រវល់ជាមួយការងារប៉ុណ្ណាក៏ដោយ Taylor ឆ្លៀតពេលសាកថ្មជីវិតជាមួយមិត្តប្រុសយ៉ាងផ្អែមល្ហែម

អត្ថបទថ្មី

បន្ទាយឈើ៖ ឈប់លេងបោកទៅ បោកអ៊ីចឹងវាអត់ល្អទេ

ឡានលោតសញ្ញាធុងសាំង! តើអាចបើកបានប៉ុន្មានគីឡូទៀតទើបឡានរលត់?

រដ្ឋលេខាធិការក្រសួងអប់រំ៖ អំពាវនាវដល់គ្រប់ផ្នែកពាក់ព័ន្ធឲ្យចែករំលែកព័ត៌មានពីការប្រកួតសិស្សឧត្ដមសិក្សា

លោកបណ្ឌិត អាំង សិរីពិសិដ្ឋ រំពឹងថ្ងៃណាមួយការលេងបាល់ទះខុសបច្ចេទេសនឹងត្រូវលុបបំបាត់ទាំងស្រុង

ដំណើរចេញពីបេះដូង៖ មិត្តហ្វូន និងកាកបាទក្រហមកម្ពុជា

ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ចុះទស្សនកិច្ចនៅរោងចក្រកែច្នៃផលិតផលអាហារ និងបំលែងសាច់មាន់ក្រុមហ៊ុន ស៊ី.ភី. ខេមបូឌា