Jay Chou ត្រូវរៀមច្បងឌឺដងផ្លែផ្កា ពេលមិនហៅការ

2015-03-13 16:57:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលរៀបមង្គលការនៅអង់គ្លេស តៃប៉ិ និងអូស្ត្រាលី Jay Chou បានអញ្ជើញតារាជើងចាស់មួយចំនួន ដូចជា Chang Hsiao-yen, Jody Chiang និង Chang Fei ប៉ុន្តែលោកមិនបានអញ្ចើញ អ្នកណែនាំ បង្ហាត់បង្រៀនឈ្មោះ Jacky Wu ទេ។ ការមិនបានអញ្ជើញបែបនេះធ្វើឲ្យសិល្បករជើងចាស់រូបនោះ ព្រលយសម្ដីឌឺដងខ្លះៗ។

Jacky Wu (ឆ្វេង) និង Chou (ស្ដាំ)

ថ្មីៗនេះ Jacky ប្រាប់ថា វាមិនជាអ្វីទេ បើសិនតារាចម្រៀងខាងលើ មិនអញ្ជើញលោកចូលរួមកក្នុងថ្ងៃអាពាហ៍ពិពាហ៍ ហើយជារឿងល្អដែរព្រោះថា លោកអាចសន្សំលុយបានខ្លះដែរ។ ពេលនិយាយពីពិធីជ័យ របស់តារាតៃវ៉ាន់នៅអូស្ត្រាលី សិល្បៈករដដែល បានព្រលយពាក្យថា Chou ជាមនុស្សរមិលគុណ។

Jacky មើលឃើញពីទេពកោសល្យរបស់ Chou ក្នុងឆ្នាំ១៩៩៧ ហើយក៏ចុះកុងត្រាឱ្យរូបគេធ្វើជាតារាចម្រៀង នៅក្រុមហ៊ុនរបស់លោកតែម្ដង។ មកដល់ត្រឹមឆ្នាំ២០០១ Jack បានលក់ក្រុមហ៊ុន និង Chou ដោយសារបរាជ័យក្នុងការវិនិយោគ។

ចុះមូលហេតុអ្វីបានតារាចម្រៀង សម្ដែង Jay Chou មិនអញ្ជើញ Jacky Wu? តើអាចមកពីហេតុផលនេះដែរឬ?

បើតាមរបាយការណ៍បានឱ្យដឹងថា ទំនាក់ទំនងរបស់អ្នកទាំងពីរមានការរង្គោះរង្គើរ ក្រោយលោក Jacky ទម្លាយរឿង Chou ទាក់ទងជាមួយ Jolin Tse ក្នុងឆ្នាំ២០០៥។ ទោះបីជាយ៉ាងណា នេះគ្រាន់តែជារបាយការណ៍ប៉ុណ្ណោះ ហើយមិនទាន់មានការបញ្ជាក់ណាមួយពី Chou នៅឡើយទេ។

ប៉ុន្មានថ្ងៃនេះដែរ jacky បានសរសេរសំបុត្រទៅតារាវ័យ៣៦ឆ្នាំ តាមហ្វេសប៊ុកថា "ខ្ញុំគិតថាគួរបំភ្លេចវាចោលទៅ បញ្ហានឹងត្រូវបានដោះស្រាយ"។

"ពេលអ្នកដល់អាយុណាមួយ អ្នកនឹងដឹងពីរបៀបអរគុណមនុស្ស ដែលជួយអ្នកពីមុនមក។ វាសំខាន់ណាស់ ចំពោះការដឹងគុណ។ ម្ដាយខ្ញុំបង្រៀនខ្ញុំថា ខ្ញុំគួរតែចងចាំមិត្តណា ដែលជួយខ្ញុំកាលពីមុន ហើយអរគុណពួកគេដោយផ្ទាល់"។ លោក Jack បន្ថែម។

Jay Chou រៀបការលើកទី១នៅថ្ងៃទី១៧ ខែមករា ក្នុងប្រទេសអង់គ្លេស លើកទី២ ថ្ងៃទី៩ ខែកុម្ភៈ នៅតៃប៉ិ និងលើកទី៣ ថ្ងៃទី៩ ខែមិនា នៅអូស្ត្រាលី៕

ធ្លាយរូបភាពប្រពន្ធ Jay Chou ពេលមិនទាន់វះកាត់មុខ

ប្រែសម្រួល៖ អ៊ុំ សុភក្តិ ប្រភព៖ washingtonpost