ធ្លាយរូបភាពប្រពន្ធ Jay Chou ពេលមិនទាន់វះកាត់មុខ

2015-03-12 21:34:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រពន្ធស្រស់ស្អាតរបស់តារាចម្រៀងតៃវ៉ាន់ Jay Chou គឺនាង Hannah Quinlivan ត្រូវបានអ្នកលេងអ៊ីនធឺណិតរិះគន់ ដោយសង្ស័យថានាងធ្លាប់ធ្វើការវះកាត់កែសម្រស់។

អ្នកលេងអ៊ីនធឺណិត បានរកឃើញរូបថតចាស់ៗ របស់ Hannah និងកត់សម្គាល់ឃើញថា ទម្រង់រូបរាងខុសប្លែកគ្នាខ្លាំង។ នេះបើតាមការឱ្យដឹង ពីគេហទំព័រជាភាសាចិន Buzzhand។

ក្រៅពីស្រកទម្ងន់ដែលធ្វើឱ្យខុសប្លែកខ្លាំងនោះ រូបពីមុនបង្ហាញឱ្យឃើញតារាម៉ូដែលរូបនេះ មានភ្នែកតូចៗដែលនាំឱ្យគេនិយាយតគ្នាថា នាងធ្លាប់ធ្វើការវះកាត់ត្របកភ្នែក ចំនួនពីរដងរួចមកហើយ។ ចំណុចគួរឱ្យកត់សម្គាល់ទៀតនោះ តារាស្រីវ័យ២១ឆ្នាំមានច្រមុះកំពិតធំ បើធៀបនឹងច្រមុះស្រួចបច្ចុប្បន្នរបស់នាង។

ក្រុមអ្នកលេងអ៊ីនធឺណិតបានបង្ហាញរូបម្ដងមួយៗ ហើយនិយាយថា មុខដើមរបស់នាងមានទម្រង់ជ្រុង និងមិនមានចង្កាស្រួច ដូចសព្វថ្ងៃឡើយ។

ក្រុមអ្នកសារព័ត៌មានបានព្យាយាមសាកសួរទៅ Jay Chou និងបង្ហាញរូបថតចាស់ៗរបស់ Hannah រួចសួរថា "តើលោកចាំអត់ថា នេះជានរណា?”។

ពាក់ព័ន្ធនឹងបញ្ហានេះ Chou ជាស្វាមីនិយាយថា ពួកគេ (អ្នកកាសែត) សួររឿងគ្មានប្រយោជន៍ ហើយហៅខ្លួនឯងថា ជាមនុស្សខ្ជីខ្ជារ ដែលចំណាយពេលលើរឿងបែបនេះ។ ចំណែកអ្នកគ្រប់គ្រងរបស់ Hannah វិញ បានបដិសេធរឿងដែលថា តារាម៉ូដែលរូបនេះធ្លាប់ឆ្លងកាត់ផ្លែកាំបិត ដូចដែលបានអះអាងជាហូរហែមក។

កាលពីថ្ងៃទី៩ ខែមិនា ឆ្នាំ២០១៥ Hannah និង Chou បានរៀបការជាលើកទី៣នៅអូស្ត្រាលី ដើម្បីបំពេញបំណងគ្រួសារ ជាពិសេសលោកយាយរបស់នាង ដែលមិនអាចចូលរួមពិធីជ័យ នៅអង់គ្លេសនិងតៃប៉ិ៕