ដល់ក! Jay Chou និងប្រពន្ធ រៀបការជាលើកទីបីនៅអូស្ត្រាលី

2015-03-10 18:59:29
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង សម្ដែង Jay Chou និងប្រពន្ធ Hannah Quinlivan បានរៀបការជាមួយគ្នាម្ដងទៀតហើយ កាលពីថ្មីៗនេះ ក្នុងទីក្រុង Gold Coast ប្រទេសអូស្ត្រាលី។

ពិធីជ័យលើកទី៣របស់តារាទាំងពីរ បានធ្វើឡើងកាលពីថ្ងៃទី៩ ខែមិនា ឆ្នាំ២០១៥ ម្សិលមិញ ដោយម្ដងនេះដើម្បីបំពេញបំណងសាច់ញាតិក្រុមគ្រួសារ របស់ Hannah ជាពិសេសជីដូនជីតា ដែលមិនអាចចូលរួមក្នុងឱកាសមុនៗ។

ទំព័រ Fan page របស់ Chou បានបង្ហាញឱ្យឃើញថា ស្វាមីភរិយាថ្មីមួយគូនេះ ស្ថិតក្នុងស្លៀកសំលៀកបំពាក់ កូនកំលោះក្រមុំពណ៌ខៀវ និងមានពាក់មកុដ ខណៈដើរលេងនៅមាត់សមុទ្រ។

ក្នុងឱកាសនេះក្រុមមិត្តល្អ បានរៀបចំក្បាច់រាំ ជាមួយបទចម្រៀង “Ukulele” របស់ Chou ធ្វើជា Background ដើម្បីអបអរស្វាមីភរិយាថ្មី។ បន្ទាប់មកពួកគេកាត់នំ រួចញ៉ាំអាហារថ្ងៃត្រង់បែបសាមញ្ញជាមួយគ្នា មុនទៅមាត់សមុទ្រថតរូប។

Chou បានបង្ហាញក្ដីសប្បាយរីករាយលើ បណ្ដាញសង្គម Weibo ថា "ពិធីមង្គលការសាមញ្ញលក្ខណៈគ្រួសារក្នុងប្រទេសអូស្ត្រាលី។ សមុទ្រពណ៌ខៀវ និងកន្លែងខ្យល់អាកាសបរិសុទ្ធ ពិតសមគ្នាគ្នាណាស់។ ចង់ឱ្យមានរឿងហ្នឹង កើតឡើងម្ដងទៀតក្នុងឆ្នាំនេះ"។

មង្គលការទី១របស់ Chou ធ្វើឡើងនៅក្នុងវិហារមួយក្នុងប្រទេសអង់គ្លេស ចំណែកលើកទី២ធ្វើនៅទីក្រុងតៃប៉ិ ដើម្បីបំពេញបំណងលោកយាយវ័យ៨០ឆ្នាំ ដែលមិនអាចចូលរួមនៅអង់គ្លេសបាន៕