មើលវីដេអូនេះ ទើបដឹងថាប្ដីល្អគួរបំពេញតួនាទីបែបណា

2015-03-13 17:05:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ម័គ្រចិត្តរៀបការជាប្ដីប្រពន្ធហើយ ប្រៀបដូចជាអ្នកសម្រេចចិត្តជ្រើសរើសជិះទូកមួយរួមគ្នា លើដងទន្លេដ៏ធំយ៉ាងដូច្នោះដែរ។ មានសុខរួមសុខ មានទុក្ខរួមទុក្ខ និងចេះជួយគ្នាទៅវិញទៅមក មិនថាស្ថិតនៅក្នុងឧបសគ្គ ឬឆ្លងកាត់ការលំបាកយ៉ាងណាក៏ដោយ ព្រោះបើហ៊ានប្រហែសបន្តិចអាចជួបគ្រោះថ្នាក់ទាំងពីរនាក់។ ដើម្បីបង្ហាញពីសកម្មភាពទាំងអស់នេះ គម្រោង Jubilee បានបង្កើតជាវីដេអូរឿងខ្លីមួយ និយាយពីដំណើររឿងប្ដីប្រពន្ធដែលចេះយល់ពីការលំបាករបស់គ្នា។

សាច់រឿងនេះ បានបង្ហាញពីប្ដីប្រពន្ធមួយគូ ស្រលាញ់គ្នាយ៉ាងខ្លាំង រស់នៅដោយភាពរីករាយជារៀងរាល់ថ្ងៃ។ យ៉ាងណាមិញ ភាពរីករាយនោះចាប់ផ្ដើមបាត់បង់ទៅវិញបន្តិចម្ដងៗ ដោយសារប្រពន្ធមានបញ្ហាភ្នែក ស្ទើរតែមើលមិនឃើញអ្វីទាំងអស់។ មួម៉ៅ ធុញថប់ ឆាប់ខឹង ជាអារម្មណ៍កើតមានចំពោះប្រពន្ធ ដែលធ្លាប់តែមានភ្នែកភ្លឺច្បាស់ មើលឃើញអ្វីៗគ្រប់យ៉ាង។

ចំណែកប្ដីវិញ ស៊ូទ្រាំជម្នះស្ថានភាពដ៏លំបាកនេះ ជួយនិយាយលើកទឹកចិត្ត និងតាមប្រពន្ធដោយសំងាត់គ្រប់ទីកន្លែង ដោយការព្រួយបារម្ភ។ ប្រពន្ធស្មានថាអ្វីៗសុទ្ធតែខ្លួនឯងអាចធ្វើបានឡើងវិញទាំងអស់ មិនដឹងថាប្ដីជាអ្នកតាមជួយឡើយ។ អ្វីៗបានប្រែជាប្រសើរឡើងវិញ ឯប្រពន្ធចាប់ផ្ដើមមានស្នាមញញឹមសាជាថ្មី ដោយការជួយជ្រោមជ្រែងមិនបញ្ចេញមុខ ពីប្ដីដ៏ល្អម្នាក់...។

ចង់ដឹងសកម្មភាពយ៉ាងណា សូមទស្សនាវីដេអូសាច់រឿងខាងក្រោម៖