Arnold ជិះកង់អត់ពាក់មួកនៅអូស្ត្រាលី ប៉ូលិសរវល់រំភើបភ្លេចផាក

2015-03-17 14:29:14
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាសម្ដែងហូលីវូដ Arnold Schwarzenegger បានលេចមុខនៅទីក្រុង Melbourne ប្រទេសអូស្ត្រាលីក្នុងរូបភាពដ៏សាមញ្ញដោយជិះកង់ពណ៌ខៀវដើរមើលទីក្រុង។

ពេលជិះនោះ អតីតអភិបាលរដ្ឋ California បានឈប់ថតរូបជាមួយ Fan ក្មេងៗដែលចោមរោមជុំវិញរូបគាត់។ ក្រោយមកលោកបានបង្ហោះរូបនោះទៅលើបណ្ដាញសង្គម Instagram ដោយនិយាយថា លោកចង់ឃើញក្មេងទាំងនេះមានសុខភាព និងរាងកាយមាំមួន។

Fan ក្មេងៗកំពុងចោមរោម Arnold ពេលជិះកង់នៅ Melbourne

តារាសម្ដែងវ័យ ៦៧ ឆ្នាំទៅកាន់ទឹកដីអូស្ត្រាលីគឺដើម្បីចូលរួមកម្មវិធីប្រកួតកាយវប្បកម្ម និងការប្រណាំងរថយន្ត Grand Prix។ ពេលបង្ហាញខ្លួន Fan ដែលចូលចិត្តទស្សនាភាពយន្តដែលលោកសម្ដែងបានស្រែកហ៊ោយ៉ាងកងរំពងបង្ហាញការគាំទ្រ។

អ្វីដែលគួរឲ្យអស់សំណើចគឺថា មេប៉ូលិសចរាចរណ៍ទីក្រុង Melbourne ប្រហែលជាអាចត្រូវមាត់ថ្នាក់លើព្រោះកូនចៅរបស់លោកពីរនាក់បានត្រឹមឈរញញឹមដាក់ Arnold ដោយភ្លេចមើលថា តារារូបនេះមិនបានពាក់មួកសុវត្ថិភាពដែលជាច្បាប់សម្រាប់អ្នកជិះកង់នៅ Melbourne ឡើយ៕

ចុចត្រង់នេះដើម្បីមើលវីដេអូ!

អាន៖ តារាល្បីៗហូលីវូដ ៧រូប ដែលអ្នកមិនដឹងថាជាកសិករ

ប្រភព៖ Yahoo