ដល់បារាំងភ្លាម អេនឌី ភ្ញាក់នឹងអ្នកគាំទ្រ

2015-03-17 17:25:48
ចំនួនមតិ 0 | ចំនួនចែករំលែក 0

ចន្លោះមិនឃើញ

អេនឌី ដែលបានទៅដល់ទឹកដីបារាំងជាលើកដំបូងកាលពីប៉ុន្មានថ្ងៃមុននេះ ប្រាប់លោកភ្ញាក់ផ្អើលមែនទែនចំពោះការគាំទ្ររបស់បងប្អូនខ្មែររស់នៅទីនោះ។

“ពួកគាត់មកគាំទ្រច្រើនមែនទែន ខ្ញុំភ្ញាក់ផ្អើលណាស់ ហើយនឹកមិនដល់ទេ ពួកគាត់គាំទ្រ និងសុំថតរូបជាមួយច្រើនមែនទែន និយាយទៅពួកគាត់ស្រឡាញ់បងប្អូនសិល្បករខ្មែរយើងណាស់"។ អេនឌី ប្រាប់ បន្ទាប់ពីលោកបានចេញសម្ដែង Show ទី១ នៅហាងឈ្មោះ "ទីកុក" ស្ថិតទីក្រុងប៉ារីស កាលពីយប់ថ្ងៃទី១៥ មីនានៅកម្ពុជា។

ចំពោះការគាំទ្រនេះ សាមីខ្លួនបានធ្វើការកត់សម្គាល់ថា អាចមកពីមុនចេញដំណើរពីកម្ពុជា លោកបានថតរូបសិល្បៈសិចស៊ីមួយចំនួនជាមួយ ទឹម រដ្ឋា និង បេនីយុំាង ដែលជាហេតុធ្វើបងប្អូនខ្មែរនៅបារាំងចង់ឃើញរូបពិតនៅខាងក្រៅ។ អេនឌី បន្តថា បងប្អូនខ្មែររស់នៅបារាំងចូលចិត្តភាពសិចស៊ីជាងបងប្អូនខ្មែររស់នៅប្រទេសផ្សេងៗទៀត។

"តាមខ្ញុំគិតគឺអីចឹង គឺការថតរូបSexyរបស់ខ្ញុំធ្វើអោយបងប្អូននៅបារាំងចង់ឃើញរូបនៅខាងក្រៅ និងចាប់អារម្មណ៍មកលើខ្ញុំខ្លាំងមែនទែន។ ខាងនេះគេចូលចិត្តសិចស៊ី ហើយអ្នកចូលរួមពេញហាងតែម្តងរកកន្លែងអង្គុយគ្មាន"។ អេនឌី ថ្លែង។

អេនឌី បានទៅដល់ប្រទេសបារាំងកាលពីថ្ងៃទី ១១ មីនា ២០១៥។ តាមគម្រោងតារាប្រុសរូបនេះ នឹងបន្តស្នាក់នៅបារាំងចំនួន ៥សប្ដាហ៍សម្រាប់បេសកកម្មបម្រើអារម្មណ៍បងប្អូនខ្មែរនៅទីនោះក្នុងឱកាសបុណ្យចូលឆ្នាំខ្មែរ។ ក្នុងរយៈប៉ុន្មានថ្ងៃនេះ លោក ទើបចេញសម្ដែងបានមួយកម្មវិធីប៉ុណ្ណោះនៅទីក្រុងប៉ារីស ក្នុងនោះ ១សប្ដាហ៍សម្ដែងតែម្ដងទេ ពេលសល់ពីនេះ គឺដើរកម្សាន្ត។

សម្រាប់សប្ដាហ៍ក្រោយ អេនឌី ប្រាប់ថា មិនទាន់ច្បាស់នៅឡើយថា ត្រូវចេញទៅសម្ដែង ទីក្រុងណាទៀត តែថាលោក នៅសល់កម្មវិធីប្រហែលជា ៤-៥ទៀត។ ប្រសិនបើមិនមានអ្វីផ្លាស់ប្ដូរទេ អេនឌី និងតារាចម្រៀងស្រីពីរនាក់ដែលរួមដំណើរគឺ សួស វីហ្សា និងចក់ សុភា នឹងវិលមកប្រទេសកំណើតវិញនៅអំឡុងដើមខែឧសភា ក្រោយបុណ្យចូលឆ្នាំខ្មែរ៕

អត្ថបទ៖ អេនឌី និងទឹម រដ្ឋា លេងឈុតសិចស៊ីជាមួយគ្នាទៀតហើយ