“ម៉ាអេម" មានអ្នកមើលច្រើនបំផុតនៅ MyTV

2015-03-17 21:17:08
ចំនួនមតិ 0 | ចំនួនចែករំលែក 0

ចន្លោះមិនឃើញ

“ម៉ាអេម" កម្មវិធីជជែកកម្សាន្តសើចសប្បាយប្លែកពីគេ ដែលបង្កើតឡើងដោយ Sabay ចាក់ផ្សាយលើកញ្ចក់ទូរទស្សន៍ MyTV នោះមានអ្នកទស្សនាច្រើនបំផុត។ នេះបើតាម អ្នកផលិតកម្មវិធី (Producer) របស់កម្មវិធីបានបញ្ចេញឲ្យដឹង។

Jimmy ដែលជាអ្នកផលិតកម្មវិធី "ម៉ាអេម" ថ្លែងដូច្នេះ ដោយយោងទៅលើប្រព័ន្ធកត់ត្រា(MyTV Rating System) ដែលលោកទទួលបានពីភាគីទូរទស្សន៍ MyTV ថ្មីនេះដែរ។ "យើងឈ្នះក្នុងនាមជាកម្មវិធីដែលមានអ្នកទស្សនាច្រើនបំផុត ក្នុងអំឡុងពេល និងថ្ងៃដំណើរកម្មវិធី។ នេះបើតាម Rating System ខ្ញុំបានពី MyTV”។

យ៉ាងណាក៏ដោយ តួលេខនេះ មិនបានធ្វើការប្រៀបធៀបជាមួយកម្មវិធីនានាដែលមានចាក់ផ្សាយនៅ MyTV ឡើយ។ ប៉ុន្តែតាម Jimmy សន្ទស្សន៍អ្នកទស្សនាកម្មវិធី "ម៉ាអេម" គឺធៀបនឹងអ្នកទស្សនាកម្មវិធីផ្សេងៗដែលមានចាក់ផ្សាយនៅស្ថានីយទូរទស្សន៍នានាក្នុងម៉ោង(6:30PM-7:00PM)ជាមួយគ្នាតែប៉ុណ្ណោះ។

តាមតារាងដែលកត់ត្រាចំនួនអ្នកទស្សនានៅខែមករា និងសប្ដាហ៍ចុងក្រោយ គឺនៅខែ "ម៉ាអេម" ទទួលបានតួលេខចំនួន ៣,១ ខ្ពស់ជាងកម្មវិធីផ្សេងៗចាក់ផ្សាយលើកញ្ចក់ទូរទស្សន៍នានា។ លុះមកដល់សប្ដាហ៍ទី២ "ម៉ាអេម" ទទួលបាន ៣,៥ កើនជាងសប្ដាហ៍ទីមុនទៀត ខណៈកម្មវិធីលើទូរទស្សន៍ផ្សេងៗកើនដែរប៉ុន្តែ នៅតែទាបជាង "ម៉ាអេម" (សូមមើលរូប)។

ផលិតករកម្មវិធី Jimmy មានសុទិដ្ឋិនិយមថា ចំនួនអ្នកទស្សនាកម្មវិធី "ម៉ាអេម" នឹងបន្តកើនជាបន្តទៀត ព្រោះពីមួយ Show ទៅមួយ Show លោកសម្រិតសម្រាំង និងកែខៃចំណុចខ្វះខាតនានា ផ្សំនឹងគាំទ្រពី Sabay.com និងលើ Youtube ផង។ លោក បន្តថា អ្នកទស្សនាតាមគណនី Sabay TV លើ Youtube វិញ ក៏កំពុងកើតឡើងខ្ពស់ដែរ ដល់ទៅជាង ៣ម៉ឺន Views ហើយ។

“ម៉ាអេម” បានចាក់ផ្សាយផ្លូវការលើកញ្ចក់ទូរទស្សន៍ MyTV ដំបូងតាំងពីថ្ងៃទី ៦ មករា ២០១៥ កម្មវិធីនេះ មានផ្សាយរៀងរាល់ព្រលប់ថ្ងៃអង្គារវេលាម៉ោង ៦:៣០-៧:០០ល្ងាច។ តារាចម្រៀង តារាសម្ដែង តារាកំប្លែងជាច្រើននាក់រួចហើយបានចូលរួមក្នុងកម្មវិធីនេះ។ ដោយឡែកយប់នេះវិញ ដល់វេន ចន ច័ន្ទលក្ខិណា និងឌួង ហ្សូរីដា ហើយ...។