គណៈកម្មាការ X Factor ដែលរិះគន់គេចម្លងស្ទិលប្ដីខ្លួន ត្រូវគេ Troll រឿងចម្លងស្ទិលតាមគេដែរ

2015-03-18 16:29:30
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីអាទិត្យមុន តារាចម្រៀង និងគណៈកម្មការ X Factor របស់នូវែលហ្សេឡង់ Natalia Kills បានរិះគន់ Joe Irvine ឡើងស្ពឹកមុខ ដោយថាបេក្ខជនរូបនេះ ចម្លងស្ទិលប្ដីរបស់នាង។ ការទិតៀននេះ ប្រើពាក្យ និងអាកប្បកិរិយាមិនសមរម្យ ធ្វើឱ្យក្រុមទស្សនិកជនជាច្រើនមិនពេញចិត្ត ហើយបានក្លាយជាប្រធានបទក្ដៅគគុក មកដល់ពេលនេះ។

ពាក់ព័ន្ធនឹងរឿងនេះ មានការលើកជាសំនួរថា តើគណៈកម្មការស្រីរូបនេះ និងប្ដី មិនចម្លងស្ទិលពីគេទេឬយ៉ាងណា? ឆ្លើយតបនឹងសំនួរ អ្នកលេង Twitter បានបង្ហាញរូប១០សន្លឹកបញ្ជាក់ និងឌឺថា តារាចម្រៀងស្រី Natalia Kills មិនមែនមានស្ទិលផ្ទាល់ខ្លួនទេ គឺលួចចម្លងស្ទិលពីអ្នកដទៃដែរ។ មើលរូបខាងក្រោម៖

១. យកស្ទិលតាមតារាចម្រៀង Lady Gaga

២. យកស្ទិលតាម Cleopatra

៣. យកស្ទិលតាម Lady Gaga និង Cleopatra

៤. យកស្ទិលតាមតារាចម្រៀងអង់គ្លេស Amy Winehouse

៥. យកស្ទិលតាមតារាចម្រៀងអាមេរិក Nicki Minaj

៦. យកស្ទិលតាមតារាចម្រៀង Jessie J circa

៧. យកស្ទិលតាមតួអង្គ Lord Farquhar ក្នុងរឿង "Shrek"

៨. យកស្ទិលតាមតួអង្គ Edna Mode ក្នុងរឿងគំនូរជីវចល "The Incredibles"

៩. យកស្ទិលសក់តាមតួអង្គ Dora ក្នុងរឿងគំនូរជីវចល "Dora The Explorer"

១០. យកស្ទិតាម តារាសម្ដែងប្រុស Willy Wonka

គណៈកម្មការកម្មវិធី X Factor ប្រទេសនូវែលហ្សេឡង់ នាង Natalia Kills និងស្វាមី Willy Moon ត្រូវបានបណ្ដេញចេញពីកម្មវិធី ក្រោយបានរិះគន់បេក្ខជន Joe Irvine ខ្លាំងៗថាគ្មានគំនិតច្នៃប្រឌិត លួចចម្លងស្តាយ៍គេ កាលពីថ្ងៃអាទិត្យ ទី១៥ ខែមិនា ឆ្នាំ២០១៥ កន្លងទៅ៕

ប្រែសម្រួល៖ អ៊ុំ សុភក្តិ ប្រភព៖ metro