ស្ងប់ស្ងាត់មួយរយៈធំ miss A ត្រលប់មកវិញ លេងស្ទីលថ្មីកាន់តែស្រស់ស្អាត

2015-03-18 16:11:52
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបាត់មុខពីឆាកតន្ត្រីមួយរយៈធំ ក្រុមចម្រៀងកូរ៉េខាងត្បូង miss A នឹងត្រលប់មកបម្រើអារម្មណ៍អ្នកគាំទ្រជាថ្មី តាមរយៈអាល់ប៊ុមថ្មី "Colors” នៅថ្ងៃទី៣០ ខែមីនា ខាងមុខនេះ។ នេះបើតាមការចុះផ្សាយរបស់សារព័ត៌មានកូរ៉េជាច្រើន។

កាលពីល្ងាចម្សិលមិញ ក្រុមចម្រៀង miss A បានបង្ហាញរូបភាពមួយចំនួនសម្រាប់អាល់ប៊ុមថ្មីរបស់ពួកគេ ដោយក្នុងនោះគេឃើញសមាជិកក្រុមទាំង ៤រូប បង្ហាញទឹកមុខសប្បាយរីករាយគ្រប់គ្នាក្នុងឈុតពណ៌ស៊ីជម្ពូដ៏ស្រស់ស្អាត។ ក្រៅពីចេញអាល់ប៊ុមថ្មី ក្រុម miss A ក៏នឹងរៀបចំការប្រគំតន្ត្រីបង្ហាញខ្លួនជាថ្មីមួយដែរនៅថ្ងៃទី៣០ ខែមីនានេះ។

អ្នកគាំទ្រជាច្រើនបានបង្ហាញពីអារម្មណ៍រំភើបរីករាយចំពោះការវិលត្រលប់របស់ក្រុមចម្រៀងនារីមួយក្រុមនេះ ដោយអាល់ប៊ុមមុនរបស់ពួកគេ គឺអាល់ប៊ុម "Hush” គឺបានចេញតាំងពីខែវិច្ឆិកា ឆ្នាំ២០១៣ម្ល៉េះ។

ក្រុមចម្រៀង miss A ត្រូវបានបង្កើតឡើងដោយផលិតកម្ម JYP Entertainment ដែលឈ្មោះ miss A គឺតំណាងឲ្យពាក្យ miss Asia។ ពួកគេបានចេញបទចម្រៀងដំបូង "Bad Girl Good Girl” កាលពីឆ្នាំ២០១០។ សមាជិកក្រុមទាំង ៤នាក់របស់ miss A រួមមាន Fei, Jia, Min និង Suzy ៕