សញ្ញា៧យ៉ាងបញ្ជាក់ថាមិត្តស្រីពិតជាស្រលាញ់អ្នកស្មោះមែន
- 2015-03-18 17:47:00
- ចំនួនមតិ 0 | ចំនួនចែករំលែក 0
សញ្ញា៧យ៉ាងបញ្ជាក់ថាមិត្តស្រីពិតជាស្រលាញ់អ្នកស្មោះមែន
ចន្លោះមិនឃើញ
ស្នេហា អាចធ្វើឲ្យមនុស្សស្រស់ស្រាយ និងមានសុភមង្គល ប៉ុន្តែពេលខ្លះក៏វាអាចធ្វើឲ្យមនុស្សកើតទុក្ខ ខូចចិត្តនោះដែរ ដោយសារកត្តាផ្សេងៗ ដែលក្នុងនោះការមិនទុកចិត្តគ្នា ជាកត្តាចម្បងមួយ។ ការមិនទុកចិត្តគ្នា អាចដោយសារគូស្នេហ៍ខ្វះភាពជឿជាក់គ្នា កើតចេញគំនិតសង្ស័យថាគូស្នេហ៍របស់ខ្លួនពិតជាស្មោះនឹងខ្លួនឬក៏អត់។ មិនថាបុរស ឬនារីនោះទេ សុទ្ធតែចង់ដឹងពីសង្សាររបស់ខ្លួន ប៉ុន្តែថ្ងៃនេះ Sabay សូមលើកយកចំណុច៧ ដែលអាចឲ្យបុរស ដឹងថាមិត្តស្រីមានចិត្តស្រលាញ់ស្មោះឬអត់៖
១. ទោះជាបរាជ័យ ឬជោគជ័យ នាងតែងនៅជាមួយអ្នក
នារីម្នាក់ដែលបាក់ចិត្តស្រលាញ់លើមនុស្សប្រុសណាមួយហើយ បើទោះបីជាសង្សារសំណព្វចិត្តធ្វើការងារ រកស៊ីបរាជ័យ ឬជោគជ័យ គឺនាងតែងនៅក្បែរអ្នកជានិច្ច។ តែបើនាងមិនស្រលាញ់ស្មោះទេ ពេលអ្នកបរាជ័យគេនឹងសុំបែកជាក់ជាមិនខាន។
២. ចូលចិត្តចែកអាហារជាមួយអ្នក
ចង់ដឹងថា មិត្តស្រីមានក្ដីស្រលាញ់ស្មោះចំពោះអ្នកឬអត់ បើសង្កេតឃើញថានាងតែងនឹកឃើញអ្នកមុនគេជានិច្ច ពេលមានអាហារញ៉ាំនោះ បញ្ជាក់បានថានាងពិតជាស្មោះចំពោះអ្នកមែន។
៣. សម្គាល់ពីទម្លាប់របស់អ្នក
មនុស្សស្រី បើសិនជាស្រលាញ់នរណាម្នាក់អស់ពីបេះដូងហើយ នាងនឹងសម្គាល់ពីទម្លាប់គ្រប់យ៉ាងរបស់បុរសដូចជាចូលចិត្តពណ៌អ្វី ចូលចិត្តញ៉ាំអ្វី ស្លៀកពាក់យ៉ាងម៉េច...ជាដើម។
៤. ទុកចិត្ត
ប្រសិនបើស្នេហារបស់នាងស្ថិតក្នុងសង្ស័យ នាងអាចរកលេសតាមដាន និងឆែកឆេរទូរសព្ទ ឬសាររើរឿងចាស់ដើម្បីចាកចេញពីអ្នក។ ប៉ុន្តែនារីដែលផ្ដល់ភាពជាជីវិតឯកជនដល់អ្នក បើនិយាយឲ្យខ្លីគឺនាងមានជំនឿទុកចិត្តលើអ្នក ហើយការទុកចិត្តនេះឯងជាគ្រឹះនៃសេចក្ដីស្រឡាញ់ខ្លាំងបំផុត។
៥. រំលឹកពីអ្នកជានិច្ចពេលនៅជាមួយមិត្តភ័ក្ដិ
ប្រសិនបើនាងតែងតែនិយាយអំពីអ្នកពេលនៅជាមួយមិត្តភ័ក្តិ មានន័យថានាងតែងតែគិតពីអ្នកគ្រប់ពេល។
៦. ថែរក្សាអ្នកគ្រប់ពេល
ពេលនៅជាមួយគ្នា នាងតែងតែយកចិត្តទុកដាក់ចំពោះអ្នក ដោយសួរនាំពីការងារ ការញ៉ាំអាហារ ជាពិសេសបារម្ភខ្លាំងណាស់ចំពោះសុខភាពរបស់អ្នក។ តែទោះជាមិននៅក្បែរក៏ដោយ បើនាងនៅតែបារម្ភចំពោះអ្នកដោយឧស្សាហ៍ខល ឬក៏ផ្ញើសារមកសួរសុខទុក្ខនេះ ក៏បញ្ជាក់ថានាងពិតជាស្រលាញ់អ្នក មិនប្រែឡើយ។
៧. ចំណាយពេលនៅជាមួយ ពេលអ្នកត្រូវការនាង
ពេលអ្នកមិនសប្បាយ ឬក៏មានវិបត្តិអ្វីត្រូវការកម្លាំងចិត្ត នាងបានចំណាយពេលមកជួយលួងលោម លើកទឹកចិត្តដល់អ្នក វាអាចបង្ហាញយ៉ាងច្បាស់ថា នាងពិតជាគ្មានចិត្តវៀចវេរពីអ្នកឡើយ។ ចំណុចនេះអាចបញ្ជាក់បានយ៉ាងច្បាស់ជាងគេ ហើយវាក៏ជាផ្នែកមួយសំខាន់បំផុតក្នុងជីវិតស្នេហាតទៅមុខទៀត៕
ចុចអាន៖ រឿង៥យ៉ាងដែលមិត្តស្រីល្អ មិនគួរសួរមិត្តប្រុស
ប្រែសម្រួល៖ទ្រី រ៉ាវី ប្រភព៖positivemed
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
