មាស សុខ សោភា ជួបទុក្ខធំ

2015-03-20 16:46:01
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង មាស សុខសោភា របស់ផលិតកម្មថោន កំពុងតែជួបទុក្ខ ក្រោយចាស់ទុំក្នុងគ្រួសារបានទទួលមរណភាពកាលពីវេលាម៉ោង ៦ល្ងាចថ្ងៃទី១៩ មីនា ម្សិលមិញ។

សុខសោភា បានបង្ហោះរូបយំឱបសពយាយលើបណ្ដាញសង្គម ជាមួយសារឧទ្ទិសសូមឲ្យវិញ្ញាណក្ខន្ធរបស់ជីដូនបានដល់ឋានសុគតិភព។ មកទល់នឹងពេលនេះ សពកំពុងតម្កល់ធ្វើបុណ្យតាមប្រពៃណីនៅស្រុកភ្នំបាសិតខេត្តកំពង់ស្ពឺ។ នេះបើតាម សាមីខ្លួនឆ្លើយប្រាប់ Sabay មុននេះ។

មាស សុខសោភា ក្រាបលើសពយាយ(រូបភាពបង្ហោះលើបណ្ដាញសង្គមរបស់ សោភា)

សោភា ប្រាប់បន្តថា លោកយាយរបស់នាងឈ្មោះ "យ៉ាន" មានព្រះជន្ម ៨០ឆ្នាំ ទទួលអនិច្ចកម្មយប់មិញដោយសារជរាពាធ។ "តែមួយភ្លែតសោះ ខ្ញុំបាត់បង់យាយអស់ពីរនាក់ហើយ ទើបធ្វើបុណ្យ៧ថ្ងៃយាយមួយហើយមិនបានប៉ុន្មានថ្ងៃផង ឥឡូវដល់យាយមួយទៀត"។ ម្ចាស់ពានអាណាចក្រតារា២ឆ្នាំជាប់គ្នា បន្ថែម។

ទោះយ៉ាងណា អតីតតារាចម្រៀងផលិតកម្មសាន់ដេរូបនេះ ប្រាប់ថា លោកយាយទាំងពីរដែលទទួលអនិច្ចកម្មបន្តបន្ទាប់គ្នាក្នុងរយៈត្រឹមតែកន្លះខែនេះ មិនមែនជាសាច់ញាតិបង្កើតរបស់នាងទេ។ "ខ្ញុំអត់មានយាយបង្កើតទេ យាយបង្កើតខ្ញុំគាត់ស្លាប់តាំងជំនាន់ប៉ុលពតម្ល៉េះ ខ្ញុំអត់ទាំងដែលបានឃើញគាត់មុខផង តែខ្ញុំគោរពស្រឡាញ់គាត់ទាំងពីរដូចយាយបង្កើតអីចឹង"។

សោភា បញ្ជាក់ថា យាយទាំងពីរ គឺជាមិត្តភ័ក្ដិរាប់អានជិតស្និទ្ធជាមួយយាយនាងបង្កើត។ ដូច្នេះហើយទើបក្រោយមក នាងគោរពប្រណិប័តន៍ទុកដូចជាសាច់ញាតិ ពោលគឺរាល់ពេលបុណ្យទានផ្សេងៗ នាង និងគ្រួសារតែងជូនលុយកាក់នំចំណីទុកដូចម្ដាយ ដូចជាយាយបង្កើត និងសូម្បីឈឺថ្កាត់ក៏នាងមើលថែដែរ។

សពលោកយាយ "យ៉ាន" របស់ មាស សុខសោភា នឹងបូជានៅរសៀលនេះនៅស្រុកកំណើត។ តារាចម្រៀងស្រីរូបនេះ ប្រាប់ថា មិត្តភ័ក្ដិក្នុងសិល្បៈមួយចំនួនបានទូរសព្ទចូលរួមរំលែកទុក្ខនាងនាព្រឹកនេះ៕

អត្ថបទ៖ ថ្ងៃទីពីីរនៃមង្គលការអ្នកឧកញ៉ាគិត ម៉េងចាប់ផ្តើមនៅពេលបន្តិចទៀតនេះ

អត្ថបទ៖ ទារិកា