Man Utd ធ្វើឲ្យ Liverpool ចាញ់លើកដំបូងឆ្នាំ២០១៥
- 2015-03-23 13:40:19
- ចំនួនមតិ 0 | ចំនួនចែករំលែក 0
Man Utd ធ្វើឲ្យ Liverpool ចាញ់លើកដំបូងឆ្នាំ២០១៥
ចន្លោះមិនឃើញ
ក្រុមបិសាចក្រហម Manchester United បានបញ្ចប់កំណត់ត្រាមិនចាញ់របស់ហង្សក្រហម Liverpool ក្នុងឆ្នាំ២០១៥ ក្រោយយកឈ្នះក្រុមគូប្រជែងមួយនេះ ២-១ យប់មិញនេះ។
Juan Mata បានបំបែកពងមាន់នៅ១៤នាទីដើមតង់ទី១ ក្រោយទទួលបាល់បញ្ជូនដ៏ល្អពី Ander Herrera។ អតីតកីឡាករក្រុម Chelsea រូបនេះ បានបន្ថែមមួយគ្រាប់ទៀតនៅនាទី៥៩ ក្រោយលេងត្រូវគ្នាជាមួយ Angel Di Maria ខណៈក្រុមម្ចាស់ផ្ទះត្រូវបាត់បង់សមាជិកម្នាក់ ដោយសារប្រធានក្រុម Steven Gerrard ដែលប្ដូរចូលលេងនៅដើមតង់ទី២ ត្រូវទទួលកាតក្រហម ក្រោយជាន់ទីលានមិនបាន១នាទីផងនោះ។
ក្រុមលោក Brendan Rodgers ដែលមានគ្នាតែ១០នាក់ បានសងមួយគ្រាប់វិញ ដោយ Daniel Sturridge នៅនាទី៦៩ ប៉ុន្តែក្រុមនេះមិនសូវមានឱកាសច្រើនដើម្បីតាមស្មើនោះទេ។ ផ្ទុយទៅវិញ បិសាចក្រហមមានឱកាសល្អមួយទៀតនៅចុងម៉ោង ដោយទទួលបានពិន័យ១១ម៉ែត្រ ប៉ុន្តែ Wayne Rooney មិនអាចទម្លុះសំណាញ់ទីរបស់ Simon Mignolet បាន។
ជ័យជម្នះនេះ ធ្វើឲ្យ Man Utd បន្តឈរលេខ៤ បន្តែបង្កើនគម្លាតជាមួយក្រុមលេខ៥ Liverpool ចំនួន៥ពិន្ទុ។ លទ្ធផល២គូផ្សេងទៀត គឺក្រុមកំពូលតារាង Chelsea ឈ្នះ Hull City ៣-២ ចំណែក Everton ស៊ី QPR ២-១។
ដោយ៖ សុខ សុវត្ថិ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
