Balotelli ប៉ះគ្នាជាមួយ Smalling បានអ្នកគាំទ្រជួយឃាត់ កុំអីអាច...

2015-03-23 16:48:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតដែលក្រុមម្ចាស់ផ្ទះ Liverpool ចាញ់ Manchester United ២-១ កាលពីយប់មិញនេះ គឺពិតជាមានការប៉ះទង្គិចគ្នាច្រើនគួរឱ្យកត់សម្គាល់មែន ដោយកីឡាករ Steven Gerrard ទទួលបានកាតក្រហមនៅនាទី៤៦ ដោយជាន់ជើង Ander Herrera និងខ្សែប្រយុទ្ធ Mario Balotelli ប៉ះគ្នាជាមួយ Chris Smalling តែបានអ្នកគាំទ្រហង្សក្រហមជួយឃាត់ទាន់ កុំអីអាចនឹងត្រូវអាជ្ញាកណ្ដាលពិន័យខ្លាំងផងក៏ថាបាន។

ខ្សែប្រយុទ្ធជម្រើសជាតិអ៊ីតាលី Balotelli មិនបានជាប់ជម្រើសដំបូងទេកាលពីយប់មិញនេះ ប៉ុន្តែបានប្ដូរចូលនៅនាទី៦៦ជំនួស Moreno ខណៈដែលគ្រាន់តែដូរចូលភ្លាម រូបគេក៏បានទទួលកាតលឿងមួយភ្លាមទៅហើយ។ ក្រោយទទួលបានកាតលឿងនេះមួយទៅហើយនោះ ខ្សែប្រយុទ្ធវ័យ២៤ឆ្នាំរូបនេះ បានប៉ះទង្គិចគ្នាជាមួួយ Smalling ស្ទើរតែបញ្ចេញកាយវិការមិនល្អដាក់គ្នាទៅវិញទៅមកថែមទៀតផង។

ការប៉ះទង្គិចគ្នានេះដែរ ត្រូវបានគេមើលឃើញថាប្រសិនបើមិនមានអ្នកគាំទ្រ Liverpool ដែលឈរនៅក្រោយនោះជួយឃាត់អតីតកីឡាករ Man City រូបនេះទេ នោះអាចត្រូវអាជ្ញាកណ្ដាលពិន័យខ្លាំង ឬអាចទទួលបានកាតលឿងជាលើកទី២ ព្រោះរូបគេទាញខ្សែការពារបិសាចក្រហមខាងនេះហើយ ថែមទាំងយកដៃចាប់ជើងថែមទៀតផង។

ខាងក្រោមនេះជាវីដេអូបង្ហាញពីស្ថានការណ៍នៅគ្រានោះ៖