១នាទីស្រៀវសាច់ ពីTrailer រឿងថ្មីរបស់ Tom Cruise “Mission: Impossible 5”

2015-03-23 22:39:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តបែបស៊ើបអង្កេត និងបាញ់ប្រហារ "Mission: Impossible” របស់តារាសម្ដែងអាមេរិក Tom Cruise បានចេញ Trailer សម្រាប់វគ្គ ៥ហើយ ដែលមានឈុតឆាកវាយប្រយុទ្ធ បាញ់ប្រហារគួរឲ្យស្រៀវសាច់ជាច្រើនឈុត។

តពីវគ្គមុន “Mission: Impossible – Ghost Protocol” ដែលបានចេញតាំងពីឆ្នាំ២០១១ វគ្គថ្មីមានចំណងជើង “Mission: Impossible – Rogue Nation” នឹងបង្ហាញពីការប្រយុទ្ធតទល់គ្នារវាងភ្នាក់ងារ IMF Ethan Hunt (សម្ដែងដោយ Tom Cruise) និងសត្រូវរបស់ខ្លួន គឺក្រុម Syndicate។ វីដេអូ Trailer រយៈពេល ១នាទី បានបង្ហាញពីសកម្មភាពគ្រោះថ្នាក់មួយចំនួនរបស់ Tom Cruise ដូចជាឈុតវាយប្រយុទ្ធ ឈុតប្រមាញ់គ្នាតាមម៉ូតូ និងឈុតតោងយន្តហោះជាដើម។ វគ្គថ្មីនេះ នឹងចេញបញ្ចាំងនៅអាមេរិកនៅថ្ងៃទី៣១ ខែកក្កដា។

ខ្សែភាពយន្ត "Mission: Impossible” បានចេញវគ្គដំបូងកាលពីឆ្នាំ១៩៩៦។ សរុបទាំង៤វគ្គ ដែលបានចេញបញ្ចាំង ខ្សែភាពយន្តមួយនេះអាចរកចំណូលបានជាង ២ពាន់លានដុល្លារហើយជុំវិញពិភពលោក។

ទស្សនាវីដេអូ Trailer របស់ "Mission Impossible 5” ខាងក្រោមនេះ៖