Nacho៖ Pacquiao មានឱកាសតែ៤៥% តែអាចផ្ដួល Floyd បាន

2015-03-24 16:24:04
ចំនួនមតិ 0 | ចំនួនចែករំលែក 0

ចន្លោះមិនឃើញ

Nacho Beristain ដែលជាគ្រូបង្ហាត់ប្រដាល់ម្នាក់បាននិយាយថាកីឡាករ Manny Pacquiao មានឱកាសតែ៤៥% ទេ ក្នុងការផ្ដួល Floyd Mayweather បាន ប៉ុន្តែដោយពឹងលើសមត្ថភាពឈ្លាសវៃរបស់អ្នកប្រដាល់ហ្វីលីពីនរូបនេះ ៤៥% គឺគ្រប់គ្រាន់ហើយសម្រាប់យកជ័យជម្នះនោះ។

Beristain បានបញ្ចេញយោបល់ផ្ទាល់ខ្លួនប្រាប់ទៅ ESPN Deportes ថា៖ “ខ្ញុំជឿថា Pacquiao មានឱកាស៤៥% ខណៈដែល Floyd វិញមានភាគរយច្រើនជាង ប៉ុន្តែមិនប្រាកដថាជាអ្នកឈ្នះនោះទេ។ ខ្ញុំពេញចិត្តទម្រង់វាយរបស់ Pacquiao ដែលនរណាក៏សរសើរដែរ។ ចំណែកឯ Floyd វិញ យើងស្គាល់គាត់ច្បាស់ណាស់ គាត់ខ្លាំងខាងការពារ ហើយការវាយសម្រុករបស់គាត់ចម្លែកៗណាស់។ មានមតិមិនតិចនោះទេដែលគិតថាកីឡាករអាមេរិកនឹងឈ្នះ ប៉ុន្តែសម្រាប់ខ្ញុំវិញគឺគិតថាកីឡាករហ្វីលីពីនឯណោះទេ ទើបជាអ្នកលើកខ្សែក្រវាត់ ព្រោះគាត់វាយលឿន និងឆ្លាត”។

Nacho Beristain

យ៉ាងណាមិញ អ្វីគ្រប់យ៉ាងមិនទាន់អាចសន្និដ្ឋានបានថានរណាខ្លាំងជាងនរណានោះទេ ពោលគឺទាល់តែដល់ថ្ងៃទី២ ខែឧសភាខាងមុខនេះទើបអាចដឹងច្បាស់ថានរណាជាម្ចាស់ខ្សែក្រវាត់ថ្មីរបស់ WBC៕

ចុចអាន៖Pacquiao ទិញផ្ទះ Jennifer Lopez ១២លានដុល្លារនៅអាមេរិកទុកលំហែកាយ

ប្រែសម្រួល៖ មុន្នី រម្យ ប្រភព៖ dailymail