រួសរាន់ឡើង! អាហារូបករណ៍ទៅប្រទេសវៀតណាមទាំងក្រោយឧត្តមសិក្សា និង បរិញ្ញាបត្រ

2015-03-24 16:44:57
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់និស្សិតដែលមានបំណងបន្តការសិក្សានៅបរទេស ពេលនេះជាឱកាសល្អ ដោយសារក្រសួងអប់រំយុវជន និង កីឡា នឹងប្រលងជ្រើសរើសនិស្សិតអាហារូបករណ៍ថ្នាក់ក្រោយឧត្ដមសិក្សា និង បរិញ្ញាបត្រទៅប្រទេសវៀតណាម។ ចំពោះថ្នាក់ក្រោយឧត្ដមសិក្សា (ថ្នាក់បណ្ឌិត Ph-D, ថ្នាក់ម៉ាស្ទ័រ) ចំនួន ២០ កន្លែង។ រីឯការជ្រើសរើសក្រសួងនឹងធ្វើការជ្រើសរើសបេក្ខជនតាមការជាក់ស្ដែង ដែលឈប់ទទួលពាក្យនៅថ្ងៃ ៣ មិថុនា ឆ្នាំ ២០១៥។ សម្រាប់ថ្នាក់បរិញ្ញាបត្រ ចំនួន ៨០ នាក់ នឹងឈប់ទទួលពាក្យនៅថ្ងៃ ១២ មិថុនា វេលាម៉ោង ៤ រសៀល រីឯ ការប្រលងនៅថ្ងៃ ២១មិថុនា ឆ្នាំ ២០១៥ ។ ប្រសិនបើបេក្ខជនមានចំណាប់អារម្មណ៍ អាចទាក់ទងទៅការិយាល័យអាហារូបករណ៍ និង កម្មសិក្សានៃនាយកដ្ឋានទំនាក់ទំនងវប្បធម៌ និង អាហារូបករណ៍នៅអាគារលេខ ២៣ ផ្លូវ៣៦០ សង្កាត់បឹងកេងកងទី១ ខាងកើតស្ថានីយទូរទស្សន៍អប្សរាប្រហែល៥០ម៉េត្រ៕