Pablo's ភេសជ្ជៈល្បីលេចមុខក្នុងពិធីមង្គលការអ្នកឧកញ៉ា គិត ម៉េង

2015-03-25 19:11:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីមង្គលការដ៏អធិកអធម ក្រសោបការចាប់អារម្មណ៍ពីគ្រប់មជ្ឍដ្ឋាន របស់អ្នកឧកញ៉ា គិត ម៉េង ដែលស្ទើរមិនទាន់រលត់ចំហាយចង់ដឹងចង់ឮពីមនុស្សទូទៅនោះ គឺត្រូវគេនិយាយថាសុទ្ធតែប្រើប្រាស់ ការរៀបចំ សេវាកម្ម និងរបស់រប ដែលឥតខ្ចោះ។ អ្វីដែលគួរឲ្យចាប់អារម្មណ៍ សេវាកម្មកាហ្វេ ភេជ្ជៈ ដ៏លេចធ្លោ Pablo's ក៏បានចូលខ្លួនធ្វើបដិសណ្ឋាកិច្ចដល់ភ្ញៀវរាប់ពាន់នាក់ ដែលភាគច្រើនជាអភិជន និងមន្ត្រីជាន់ខ្ពស់រដ្ឋាភិបាល ជាដើម។

តើប្រិយមិត្តដឹងទេថា Pablo's បានផ្គត់ផ្គង់ភេសជ្ជៈអ្វីខ្លះ ក្នុងកម្មវិធីមង្គលការអ្នកឧកញ៉ា គិត ម៉េង?

លោក អ៊ឹម ប្រណិតា អ្នកគ្រប់គ្រងទូទៅប្រចាំសេវាកម្មការហ្វេ Pablo's ប្រាប់ sabay ឲ្យដឹងពីការផ្ដល់កាហ្វេ ក៏ដូចជាបដិសណ្ឋារកិច្ច Cocktail នៅក្នុងថ្ងៃមង្គលជ័យសេដ្ឋីខ្មែរថា ៖ "នេះមង្គលការដំបូងគេនៅស្រុកខ្មែរ ដែលមានបម្រើភេសជ្ជៈ Cocktail និងកាហ្វេ បន្ថែមជូនភ្ញៀវដែលអញ្ជើញចូលរួមបែបនេះ"។

លោកថ្លែងថា Pablo's បានបម្រើកាហ្វេដែលមានគុណភាពល្អផុតលេខ នៅក្នុងកម្មវិធីតាំងពីថ្ងៃចូលរោង រហូតដល់ថ្ងៃជប់លៀងមង្គលជ័យ នៅកោះពេជ្រ។ គ្រាន់តែថ្ងៃដំបូង ដែលភ្ញៀវអញ្ជើញមកសូត្រមន្តនៅភូមិគ្រឹះអ្នកឧកញ៉ា ខាងក្រុមការងារលោកបានផ្គត់ផ្គង់កាហ្វេល្បីឈ្មោះគុណភាពសុទ្ធ Carraro ម៉ាកល្បីមកពីប្រទេសអ៊ីតាលី អស់ចំនួន៤ គីឡូក្រាម បើគិតជាចំនួនកែវវិញប្រហែល៤០០កែវ ឯណោះ។ ចូលដល់ថ្ងៃបន្ទាប់ នៅកោះពេជ្រ ទាំងកាហ្វេ និងភេសជ្ជៈ Cocktail ជិត១០ប្រភេទផ្សេងទៀត សរុបទៅជាង២ពាន់កែវ ដែលត្រូវបានបម្រើជូនភ្ញៀវលំដាប់ៗ ឲ្យបានស្គាល់ពីគុណភាពរបស់ Pablo's។

ស្ថិតក្នុងចំណោមភេសជ្ជៈមួយប្រភេទ ដែលមានឱកាសចូលខ្លួនមកបម្រើជូនភ្ញៀវកិត្តិយសរាប់រយតុ នៅក្នុងកម្មវិធីមង្គលការ ដែលកក្រើកតាមប្រព័ន្ធផ្សព្វផ្សាយ លោក អ៊ឹម ប្រណិតា ទម្លាយពីអ្វីដែល Pablo's អាចយកឈ្នះក្រុមហ៊ុនជាច្រើនប្រជែងយកឱកាសខ្លាញ់នេះ ថា៖ មានមូលហេតុ៣យ៉ាងដែលក្រុមហ៊ុន Pablo's អាចលេចមុខមាត់បម្រើសេវាកម្មភេសជ្ជៈនេះនៅថ្ងៃដ៏ពិសេសរបស់អ្នកឧកញ៉ាគឺ ប្រសិទ្ធភាពការងារលឿនរហ័សទាន់ចិត្ត គុណភាពភេសជ្ជៈឆ្ងាញ់ពិសា និងមានអនាម័យខ្ពស់ របស់យើង។ គឺមង្គលការគាត់ រៀបយ៉ាងល្អិតណាស់ គឺគាត់ត្រូវការអ្វីៗជារបស់ល្អឥតខ្ចោះ»។

"ចុងក្រោយខ្ញុំក៏សូមថ្លែងអំណរគុណយ៉ាងជ្រាលជ្រៅមែនទែនដល់ម្ចាស់កម្មវិធី ដែលលោកបានជឿទុកចិត្ត និងជ្រើសរើសក្រុមហ៊ុន Pablo's របស់លោកផ្គត់ផ្គង់លើផ្នែកភេសជ្ជៈ ក្នុងកម្មវិធីមង្គលការរបស់អ្នកឧកញ៉ា"។ លោក អ៊ឹម ប្រណិតា ថ្លែងបន្ថែម៕